Hiôb
9 Hiôb a timbhe, a kal le:
2 “Me nyi yaga le hala nyen mam ma yé.
Ndi lelaa mut binam a yé le a net Nyambe+ nkaa?
4 A gwé pék ngandak,* a ban-ga ngui kiyaga.*+
Njee a nla kolba nye, ndi a pamba ngi mbabaa?+
5 A nkena* dikôa homa numpe ibabé le mut a yi hala;
ikété hiun hié, a nkwés tjo ’isi.
6 A mpôgôs hisi le hi nyodi i homa wé,
kayéle mbiñ yé i nyeñg.+
7 A nti hiañgaa oda le hi bai bañ,
a mband yak tjôdôt+ le di ti bañ mapubi;
8 nyetama nyen a nwandal ngii+ yosôna,
a nkil ki i ngii mangudga ma tuye ma ma nyôgi.+
9 A bi hek liuñ li tjôdôt li Ash,* ni li Késil,* ni li Kima,*+
lôñni mauñ ma tjôdôt ma nwelmbok;*
10 a mboñ mam makeñi, a boñok yak mam mut nye ki nye a nla bé nok,+
mam ma hélha mut to wada a nla bé soñgol.+
11 A nlôô me bebee, ndi me nla bé tehe nye;
a ntagbe me i bisu, ndi me nyimbe bé nye.
12 I ngéda a nyoñ yom, njee a nla kolba nye?
Njee a nla kal nye le: ‘Kii u yé i boñ ha?’+
14 Bôô ni ngélé yañen inyu timbhe nye!
Ngo me nlama tibil pohol bibuk gwem i ngéda me mpôdôs nye!
15 To ibale me ban-ga bé njom, ki me ntimbhe bé nye.+
Ki me nyemhe ndik nkéés wem.*
16 Ibale me nsébél nye, baa a’ timbhe me?
Me nhémle bé le a’ nok kiñ yem,
17 inyule a ngwélél mbuk mbebi inyu nyagat me,
a nkônde ki babaa me ngi njom.+
18 A nti bé to me pôla le me hép;
a nkônde ndik me bikuu.*
19 Ibale di gwé le di pôdôl ngui, Nyambe nyen a gwé ngui,+
ibale di gwé le di pôdôl telepsép, a nkal le: ‘Njee a nla ôm me nsohi?’
20 To ibale me ban-ga bé njom, ki nyo wem womede w’a kwés me nkaa;
to ibale me yé ngi nsohi, a’ kal le me yé nkoda.*
21 To ibale me yé ngi nsohi, me nyi bé i yom i mbem me;
niñ yem i mbébél yaga me.*
22 Maselna mo ki mo ma ta bé. Inyu hala nyen me nkal le:
‘Nlélém kiki a ntjé mut nginsohi,* hala ki nyen a ntjé béba mut.’
23 Ibale malép ma mbet kunda yada, ma nol bôt,
ndi i bôt ba nginsohi ba nok ndutu, Nyambe a’ nol bo hiol.
Ibale nye bé nu, wee njee numpe?
25 Nano, dilo tjem di nhoo iloo mut a nke ngwéé;+
dilo tjem di nke ngwéé, di ntehe bé loñge.
26 Dilo tjem di mpala tagbe kiki môñgô mi mi yé mbañak ni makai,
kiki minyôgôl mi mi mpude nuga yap.
27 Ibale me nkal le: ‘Me ga hôya njelel yem,
me ga kañ ha bé su, me ga ba maséé,’
28 to hala, mandutu+ mem m’a kônha me woñi,
me nyi ki le w’a kal bé le me yé nginsohi.
29 Mbagi y’a pam le men me gwé njom.*
Inyuki me ntééñga ni nyuu?+
30 To me nogop yaga ni libu li lisuni,*
me pubus ki moo mem ni sobe,*+
31 w’a yube me ikété bee ndobo,
kayéle yak mambot mem ma pidip me.
32 Inyule a ta bé mut binam kiki me, le me timbhe nye,
to le di kena hop wés i bikééhene.+