Hiôb
11 Zôfar,+ man Lôk Naama, a timbhe, a kal le:
2 “Baa w’a pot bibañga bini gwobisôna, mut a timbhe bé we?
Tole, baa ngandak hop yon i ga boñ we le u net nkaa?*
3 Baa u nhoñol le bipopoda gwoñ bi ga yip bôt manyo?
Baa mut a’ kônd bé we inyu bibuk gwoñ bi mandegle?+
5 Éé, ibale Nyambe a bak to le a pot,
a yibil ki nyo wé inyu timbhe we!+
6 Ki a nyeelene we mam ma pék ma ma sôli,
inyule bañga pék i yé jam li nlet.
Ha nyen w’a yi le Nyambe a mal hôya dihôha tjoñ.
7 Baa u nla pam i yi ndip mam i Nyambe?
Tole, baa u nla tibil toñol mam momasôna ma mbéñge* Nu ngui yosôna?
8 Pék i nyôgi iloo ngii. U nla boñ kii?
I yé ndip iloo Soñ.* Kii u nla yi mu?
9 I ñap iloo hisi,
i bak ikeñi iloo tuye.
10 Ibale Nyambe a ntagbe, a gwel mut, a kena nye i bikééhene,
njee a nla kolba nye?
11 Inyule a nyi i bôt ba yé malôga.
I ngéda a ntehe jam libe, baa a nyimbe bé jo?
12 Ndi jôñ mut i ga sôk yi jam
i kel jagas li bikai li ga gwal mut binam.*
13 Ibale u bak to le u kôôba ñem woñ,
u sambal ki moo moñ i bisu bi Nyambe!
14 Ibale woo woñ u yé i boñ jam libe, kena jo haa ni we,
u nwas bañ to le ngitelepsép i yén mu mandap moñ ma mabadô.
15 Ha nyen u ga la pa su woñ ngi wonyuu yo ki yo;
u ga la ki telep siñ siñ ngi woñi wo ki wo.
16 Ha nyen u ga hôya ndutu yoñ;
w’a hoñol ha bé yo, kiki mut a nhoñol ha bé malép ma ma mal kuli.
17 Niñ yoñ y’a bai iloo hiañgaa hi kosi;
yak jiibe li niñ yoñ li ga ba kiki mapubi ma kegla.
18 W’a bana makénd inyule botñem i yé,
w’a béñge ipañ yoñ, u nañal ki ibabé i kon woñi.
19 W’a nañal ibabé le mut a sés we,
yak ngandak bôt i ga yéñ le i lémél we.
20 Ndi mis ma bibéba bi bôt m’a waa;
b’a léba bé homa to wada ba nla kil ngwéé,
ndik nyemb+ yon i ga ba botñem yap.”