Hiôb
5 “Lond ni! Baa mut a’ timbhe we?
Ikété biañgel,* njee w’a pôdôs?
2 Inyule liyot li ga nol jôñ mut,
tama ki i nol mut a nhémle mam momasôna.
3 Me bi tehe jôñ mut i nuk,*
ndi kunda yada, liyééne jé li bi ba ntiihege.
4 Bon bé bôlôm ba gwé bé mut a nsôñ bo,
ba nyagat bo i nwemel u tison,+ ibabé le mut a sôñ bo.
5 I mut a yé njal a nje i yom jôñ mut i mbumbul,
a nyoñ yo to ikété biloo,
nkus u jôñ mut ni u bon bé u nyôña.
6 Inyule mam mabe ma ño bé i biték,
to ndutu i mpémél bé ’isi.
7 Inyule mut binam a ngwéé ndik le a nok ndutu,
kiki yak njanjat i mpuue.
8 Ndi ibale me bak we, ki me mbat Nyambe mahoñol mé,
ki me nkena hop wem yak Nyambe,
9 Nu a mboñ mam makeñi, a boñok yak mam mut nye ki nye a nla bé nok,
mam ma hélha mut to wada a nla bé soñgol.
10 Nyen a nôs nop hana ’isi,
a nkôp ki malép mu nwom.
11 A mbédés yañga mut,
a mbédés ki i mut a nimis makénd, letee a kôhna tohi.
12 A ñôbôs bipék bi bôt ba mandon,
kayéle nson u moo map u num bé matam.
13 Nyambe a ngwel bôt ba pék ikété mandon map bomede,+
ndi minsoñgi nwap mi nkwo i lép.
14 Jiibe li nhô bo njamuha,
yak i kosi, ba nke ba tômndege wengoñle u u nsude.
15 Nyambe a ntohol i moo ma bôt ba gwé pansoñ i i mpémél bo i nyo,
a tohlak diyeyeba i moo ma mimpémba mi bôt,
16 inyu boñ le yañga mut i bana botñem,
ndi nyo u bôt ba téé bé sép u yipba.
17 Tééda i jam lini: i mut Nyambe a nkodol a yé maséé;
jon u tjél bañ bikodlene bi Nu ngui yosôna!
18 Inyule Nyambe a nla boñ le mut a nok ndutu, ndi a nla ki tibil* mbabaa;
a nla bôk, ndi a nla ki mbuubaha ni moo mé.
19 A’ sôñ we mu mandutu masamal,
to ndutu i nyônôs isaambok i ga boñ bé we béba.
20 I ngéda njal, a’ kobol we i moo ma nyemb,
yak i ngéda gwét, a’ sôñ we i moo ma pansoñ.
22 W’a nol tjiba hiol, u nol yak njal hiol,
w’a kon bé to binuga bi bikai woñi.
23 Inyule wom woñ u ga bana bé ngandak ngok,*
we ni binuga bi bikai n’a yén ni nsañ.
24 W’a yi le ndap yoñ libadô i yé nwee,*
i ngéda w’a béñge bémba yoñ, lém to yada i ga hañ bé mu.
25 W’a bana ngandak bon,
yak mbôda yoñ y’a bôl ngandak kiki bikai bi hisi.
26 W’a jôp i soñ, u ban-ga ngui,
kiki mimbom mi blé mi ba mbumbul i loñge ngéda.
27 Nun-ki! Di bi wan i mam ma, di tehe ki le hala nyen ma yé.
Emble, u neebe ki hala.”