Hiôb
18 Bildad+ man Lôk Sua a timbhe le:
2 “N’a pot i bibañga bini letee ni ngéda mbe?
Ngo ni unda le ni gwé yi le ndi di laa pot.
4 To ibale hiun hioñ hi ntinde we i boñ wemede béba,
baa inyu yoñ nyen hisi hi ga yégle hôlô?
Tole, baa inyu yoñ nyen liaa li ga nyodi i homa wé?
5 Ñ, mapubi ma béba mut m’a lém,
yak lindômbôô jé li hié li ga bai ha bé.+
6 Ibabé pééna, mapubi ma ma mbai mu ndap yé libadô m’a yila jiibe,
yak lambe i i kéhi mukété i ga lém.
7 A ga bana ha bé ngui i ke,
yak pék yé yomede i ga kwés nye ’isi.+
8 Inyule a ga ke a jôp ikété mbunja,
nyoo nyen makôô mé m’a gwiya.*
9 Hiandi hi ga gwel nye i tindi;
kédi i ga hémb nye.+
10 Nkôô u sôli ’isi inyu yé,
yak hiandi hi mbem nye mu njel yé.
11 Mam ma nkônha woñi ma nkéña nye bipes gwobisôna,+
ma noñ yaga nye munu mbus.
13 Kon u nta nye mu kôgôô;
kon u u nlôôha nola* u nje nye bijô bi nyuu.
16 Minkañ nwé mi ga kôt isi yé,
yak mintjep nwé mi num nyoo i ngii yé.
17 Bôt b’a bigda ha bé nye hana ’isi,
to jôl jé li ga yiba bé* mu nloñ.
18 B’a luhul nye le a nyodi mapubi, a kee i jiibe,
ba buñga* ki nye le a ba ha bañ hana nkoñ ’isi.
19 A’ bana bé bon, to mbôda ikété litén jé,
i homa a nyééne,* a ga yégla bé mut to wada.
20 I kel a’ tjiba, i bôt ba yéne i pes Hiôñg b’a kon woñi ngandak,
yak i bôt ba yéne i pes Likôl, miñem mi ga bôô bo matjél.
21 I mam ma mon m’a pémél mandap ma mabadô ma mboñbéba,
mo ki mon m’a kwél homa liyééne li mut a nyi bé Nyambe.”