Hiôb
33 “Ndi nano, soho a Hiôb, emble bibañga gwem;
nok ki bipôdôl gwem gwobisôna.
2 Soho, sédi ôô! Me nlama yibil nyo wem;
hilémb* hiem hi nlama pot.
5 Timbhe ni me ibale u nla;
podok ni, kôôba nkaa woñ.
6 Nun-ki! Me ni we di yé nlélém i mis ma bañga Nyambe;
yak me, ba bi mma me ni ték lima.+
7 Jon u nlama bé kon me woñi,
to bibuk gwem bi nlama bé lôôha tééñga we.
8 Ndi maôô mem ma nok we u mpot,
ñ, me nok we u nkal le:
10 Ndi Nyambe a nyéñ manjom inyu kolba me,
a nyoñ me kiki ñoo+ wé.
12 Ndi i ngéda u nkal hala, u nhôs, jon me ntimbhe ni we le:
Nyambe a nloo mut binam+ huum.
13 Inyuki u ñôm nye nsohi?+
Baa inyule a ntimbhe bé we to buk?*+
14 Inyule Nyambe a mpot ngandak ngélé,*
ndi mut nye ki nye a gwé bé ngéda yé.
16 Ha nyen a mpot i maôô+ ma bôt,
a nyigye* ki biniigana a nti bo,
17 inyu héñha mut binam le a boñ ha bañ mam mabe,+
ni inyu sôñ nye le a ngôgôp ha bañ.+
19 I njôghe mut a nôgda i nañi yé i nla kodol nye,
nlélém ni i ngéda bihés gwé bi nsôghe nye,
20 kayéle bret bi nlémél ha bé nye,
a ntjél ki je bijek bilam.+
21 A nlôôha kôt,
kayéle bihés gwé bi bi bé bi sôli bi nkoñop.*
22 A yé bebee i sôs i soñ,*
a bak bebee ni banol bôt.
23 Ndi ibale a gwé nlegelnwin,*
nsôñ wada ikété hikôô,
inyu kal nye kii i yé loñge,
24 Ha nyen Nyambe a nkônôl nye ngoo, a kal le:
‘Kéñ nye le a sôs bañ i soñ!*+
Me mal léba binoñ+ inyu yé!
25 Nyuu* yé i témb mbôô* iloo kiki i bé i ngéda a bé mañge wanda,+
a témb a bana ngui a bééna i ngéda a bé njohok.’+
26 A ga yemhe Nyambe,+ nu a ga kônôl nye ngoo,
a ga leñ yak diléla i ngéda a ga tehe su u Nyambe,
Nyambe a ga kal ki le a téé sép.
27 I mut nu a ga kal* bôt le:
29 Ni maliga, Nyambe a mboñ i mam mana momasôna,
a mbôñôl mo mut ngélé iba, ngélé aa,
30 inyu pémés mut i soñ,*
kayéle mapubi ma niñ ma béyéi nye.+
31 A Hiôb, sédi maôô! Emble me!
Mom yaga nwee, le me kônde pot.
32 Ibale u gwé yom i kal, timbhe me.
Pot, inyule me gwé ngôñ le wen u net nkaa.
33 Ndi ibale u gwé bé jam i pot, u nlama emble me;
mom yaga nwee, le me niiga we pék.”