Tjémbi

142 Me nlôndôl Yéhôva;+

me nyemhe Yéhôva.

 2 Me nkal nye nduña yem yosôna;*

me ñañle nye bikuu+ gwem

 3 i ngéda ngui yem i nsôs,

ha nyen u mbéñge njel+ yem.

Baoo bem ba nsôô hiandi

mu njel me nkil.

 4 Béñge i pes yem walôm, u tehe

le mut to wada a ntôñ bé me.*+

Me gwé bé homa to wada me nla kil ngwéé;+

mut to wada a nyoñ bé ngéda ni me.

 5 Éé a Yéhôva, me nlôndôl we,

Me nkal le: “U yé lisolbene+ jem,

u yé mam momasôna me gwé i niñ.”*

 6 Sédne me ôô i ngéda me nlôndôl we,

inyule ngui yem i mal.

Sôñ me i moo ma ba ba ntééñga+ me,

inyule ba nloo me ngui.

 7 Pémés me* i mok

le me bégés jôl joñ.

Bôt ba téé sép ba kéña me

inyule u mbôñôl me loñge.