The Hiémbi hi Salômô

Tjôñ tjoñ di yé kiki bémba i kembee

i i nsôs dikôa di Giléad.+

 2 Masoñ moñ ma yé kiki bémba i mintômba le ba ntip end,*

mi mi ntip lôl i jogop,

nwominsôna mi gwé mahas,

to man ntômba wada mu a nhañ bé.

 3 Bibép gwoñ bi yé kiki kôyôp bôñgô,

yak bipôdôl gwoñ bi ne.

Mamañ* moñ ma nene mu libadô li nhô su woñ

kiki grénad le ba nkan.

 4 Joo+ joñ li yé kiki nkum ndap u David,+

u u bi ôña ni minkééhaga mi ngok,

i het ba nkéi hikôô hi biben,

biben gwobisôna bi mimpémba mi bôt+ bi bi yé ngiiña.

 5 Méé moñ ma yé kiki bon iba ba ñin ngôlôñ,

mahas ma sô+ titigi,

ma ma nkehel bikai.”

 6 “Ilole mbebi i mbôdôl hôñ,* yak yiye i nyoi,

m’a ke i hikôa hi mire

ni i hikôa hi binunumba.”+

 7 “Wensôna u yé nlam, a nugwéha wem,+

to liton li ta bé we i nyuu.

 8 A we nu me nsômbôl bii,* loo, di nyodi i Libañ,

loo, di nyodi i Libañ.+

Nyodi i ngii hikôa Amana,*

i ngii hikôa Sénir, i ngii hikôa Hermôn,+

i bihôk bi mbondo njéé, i dikôa di njéé.

 9 A mankéé nu muda, a we nu me nsômbôl bii, u bi yoña me ñem,+

u bi nun ndik me ngélé yada, u yoña me ñem,

ni nsañ wada mu minsañ mi joo joñ.

Gwéha yoñ i nél me iloo wai,+

labinda yoñ i numb loñge iloo binunumba gwobisôna!+

Wéi ni milik bi yé isi hilémb hioñ,+

yak njiñ mambot moñ i yé kiki njiñ Libañ.

12 Mankéé nu muda, nu me nsômbôl bii, a yé kiki wom le ba nkwés ikété lipénd,

nkwéhék wom yaga, lingen li li yé nyibik.

13 Bie* bi wom* woñ bi gwé ngandak grénad,

ni matam malam, ni bie bi lélé bausa lôñni bie bi binunumba,

14 binunumba+ ni mbônji bikai,* makai*+ ni hiomi,+

ni mintén mi bie nwominsôna mi mi nti binunumba, mire, ni alôé,*+

lôñni bie gwobisôna bi bi numb loñge.+

15 U yé lingen ikété wom, bee i malép malam,

diléléba di di nlôl i Libañ,+ ndi di kulak.

16 Tôde, a mbebi ñombok;

loo, a mbebi nwelmbok.

“Nugwéha wem a jôbôk ikété wom wé u mbônji,

a jek ki matam malam ma wom wé.”