Yésaya
23 Mbagi kogse inyu Tir:+
béglana, a bisitima bi Tarsis!+
Homa bisitima bi ntelbene a ntjiba, mut nye ki nye a nla ha bé jôp mu.
I loñ Kitim+ nyen ba nyeelene bo hala.
2 Moma nwee, a bé ba ni nyééne ipañ tuye.
Bôt ba nyuñga ba Sidôn+ ba ba nyap tuye ba bi kwés we ngwañ.
4 A Sidôn, kon hison, we nu u yé lisolbene li ngui, li li yé ipañ tuye,
inyule tuye a nkal le:
5 Kiki bôt ba bi siida i ngéda ba bi nok ñañ inyu Égiptô,+
hala nyen bôt ba ga siida i ngéda ba ga nok ñañ inyu Tir.+
6 Yaba tuye letee ni i Tarsis!
A bôt ba nyééne ipañ tuye, béglana!
7 Baa i tison ini bé yon i bé kon maséé i ngéda kôba, ibôdôl i dilo tjé di bisu?
Bôt bé ba bé ke i yééne i biloñ bi yé haa.
8 Njee a nyoñ makidik i kogse Tir,
Tir nu a bé kébha bôt mintut mi ane,
nu bôt bé ba nyuñga ba bé baane,
nu bôt bé ba nyuñga ba bééna lipém ni nkoñ ’isi wonsôna?+
9 Yéhôva nu mintôñ mi gwét nyemede nyen a nkit hala,
inyu mélés bilama gwé gwobisôna bi bi bé ti nye ngôk,
inyu boñ le i bôt bobasôna ba bééna lipém hana ’isi ba wo nyuu.+
10 Yap loñ yoñ kiki lom Nil, a ngond Tarsis.
Homa ba ntiblene* bisitima a ta ha bé.+
11 A bi sambal woo wé i ngii tuye;
a bi nyiñgis biane.
Yéhôva a bi ti oda le ba tjé masolbene ma ngui ma Fénikia.+
12 A kal le: “W’a kon ha bé maséé,+
a we nu ba ntééñga, we ngond Sidôn i i yé ngi yi munlôm.
Telep, yap tuye letee ni i Kitim.+
To nyoo u ga ba bé nwee.”
13 Nuna-ki! Loñ i bôt ba Kaldéa.+
I litén lini, he Asiria bé+
jon li bi yilha nye liyééne li binuga bi ñoñ.
14 Béglana, a bisitima bi Tarsis!
Inyule lisolbene li ngui linan li ntjiba.+
15 Ibôdôl i kel i, bôt ba ga hôya Tir 70 ma nwii,+ hala a yé nwii mi niñ mi* ngim kiñe. I mbus 70 ma nwii, i jam ba mpôdôl munu hiémbi hini inyu muda libambe, jon li ga pémél Tir:
16 “Yoñ hiluñ hioñ, kiiña ni tison yosôna, a muda libambe nu ba mal hôya.
Tibil yaga kôt hiluñ hioñ;
tôp ngandak tjémbi,
inyu boñ le ba hoñol we.”
17 I mbus 70 ma nwii, Yéhôva a ga yoñ ngéda ni Tir, Tir a témb ki a kôhna nsaa u libambe jé, a kee ki i ndéñg ni biane bi nkoñ ’isi gwobisôna, i bahoma bobasôna. 18 Ndi yéñe yé ni nsaa wé bi ga yila gwom bipubhaga inyu Yéhôva. Ndi a ga tééda bé gwo, to bii gwo ipañ, inyule nsaa wé u yé inyu bôt ba nyééne i bisu bi Yéhôva, kayéle ba je, ba nuu, ba haba ki mambot malam.+