Yésaya
17 Mbagi kogse i Damaskô+ ini:
“Nuna-ki! Damaskô a ga ba ha bé tison,
a ga yila likund.+
3 Éfraim a ga bana ha bé bitison bi bi gwé mapénd,+
to Damaskô a ga bana ha bé ane;+
lipém li bôt ba Siria ba ba nyégle
li ga ba kiki lipém li bon ba Israel,”* hala nyen Yéhôva nu mintôñ mi gwét a mpot.
4 “I kel i, lipém li Yakôb li ga sôs ngui,
a ga nimis ki bikeñi gwé,* a kôt.
5 Hala a ga ba wengoñle mut nu a mbumbul blé,
a bumblak mintudu mi blé ni woo wé,
kiki i ngéda mut a mbada mis ma blé ma nyégle i nsôsôgô* u Réfaim.+
6 Ndik ndék matam yon i ga yégle,
kiki i ngéda ba mbép mintjep mi e ôlivé le matam ma kwoo:
ndik matam ima tole maa ma ma yé nhôôlak mon ma nyégle i ntjep u yé i manjoñ,*
ndik matam ma-na tole matan mon ma nyégle mu mintjep mi num ngandak,”+ hala nyen Yéhôva Nyambe nu Israel a mpot.
7 I kel i, mut a ga béñge Nhek wé, a ga lek Numpubi nu Israel mis. 8 A ga béñge bé muu ma bisesema,+ nson u moo mé;+ gwom a bi bañ ni dinoo tjé, a ga lek ha bé gwo mis, to mél mapubhaga,* to muu ma binjinjiñ.
9 I kel i, bitison gwé bi bi gwé mapénd bi ga yila kiki bum le ba ntjôô ikété lipan,+
kiki ntjep le ba ntjôô i bisu bi bon ba Israel;
bi ga yila ñoñ.
Inyu hala nyen u nsal nwom minlam,
ndi u mbel bisok bi bi nlôl yak nkén mut.*
11 Njamuha, u nkéñ wom woñ lipénd;
kegla, u mboñ le mbôô yoñ i oo,
ndi libumbul joñ li ga nyoi i kel u ga kwo kon, u nogok ki njôghe i i mal bé.+
12 Emblana ki! Liyôgbe li ngandak biloñ,
bi nyiñgha kiki tuye!
Biloñ bi nyôgbe,
liyôgbe jap li yé kiki liyôgbe li malép ma ma gwé ngui!
13 Biloñ bi nyôgbe kiki ngandak malép.
Nyambe a ga kogse gwo, bi ga ke ngwéé haa,
a ga luhul gwo kiki bikôgôô bi bi yé i ngii dikôa le mbebi i nkena,
kiki biloo le mbuk mbebi a nkiiñaha.
14 I ngéda kôkôa i nkwo, ba nkon woñi.
Ilole kel i nye, ba ga ba ha bé.
Hala nyen i bôt ba njôs bés gwét ba ga yila,
i jam lini jon li ga pémél i bôt ba nkadal nkus wés.