Yésaya

36 I nwii mi nyônôs 14 mi ane i Kiñe Hézékia, kiñe Asiria+ le Sénakérib a bi lo i leñ bitison bi Yuda gwobisôna bi bi gwé mapénd ma ngui gwét, a yoñ ki gwo.+ 2 Ha nyen kiñe Asiria i bi om rabsaké*+ le a nyodi i Lakis+ ni ntôñ gwét nkeñi, ba kee yak Kiñe Hézékia i Yérusalem. Ba telep bebee ni mbôga malép u titimba i i yé mabeda,+ i njel ikeñi i i nke i homa ba njôôna mambot.+ 3 I mbus, Éliakim+ man Hilkia, ni Sebna,+ lôñni Yôa man Asaf, ba bi pam inyu boma nye. Éliakim a bé ñane ndap* kiñe, Sebna a bé mut matila, Yôa a bak ntééda bikaat.

4 Rabsaké a kal bo le: “Soho kala Hézékia le: ‘Lana nyen kiñe ikeñi, hala wee kiñe Asiria, i nkal: “Kii u mbôdôl ñem?+ 5 U nkalba le: ‘Me gwé likeñge ni ngui i jo gwét,’ ndi hala a yé bibuk bi yañga. Njee u mbôdôl ñem, kayéle hala a ntinde we i bédél me?+ 6 Emble ki! U mbôdôl Égiptô ñem le a ga nit we, ndi a yé ndik likai li li mbugi. Ibale mut a nigbene jo, li ñôm nye i libai li woo, li tôp. Hala nyen Faraô, kiñe Égiptô, a mboñ bôt bobasôna ba mbôdôl nye ñem.+ 7 Ndi u kal bañ me le: ‘Di mbôdôl Yéhôva Nyambe wés ñem,’ inyule we a Hézékia, wen u bi héya bahoma ba nyôgi ni muu ma bisesema ma Nyambe mu loñ,+ u kalak bôt ba Yuda ni ba Yérusalem le: ‘Ni nlama bégés Nyambe i bisu bi juu li bisesema lini.’”’+ 8 Nano ni, loo me jubus we i pémsan ni nwet wem le kiñe Asiria:+ m’a ti we 2 000 di bihosi, di tehe ibale nsoñgi u bakilhosi boñ w’a kola inyu bihosi bi. 9 Lelaa ni w’a la yémbél ngomin i pes mbok yada, to nu a nlôôha ntitigi mukété bagwélél ba nwet wem, ibale u mbôdôl Égiptô ñem le a ga ti we bikak bi gwét ni bakilhosi? 10 Baa u nhoñol le me nlo i tjé i homa nunu ngi kunde i Yéhôva? Ngo Yéhôva nyemede nyen a nkal me le: ‘Ke jôs i loñ ini, u tjé ki yo.’”

11 Ha nyen Éliakim, ni Sebna,+ lôñni Yôa, ba bi kal rabsaké+ le: “Soho, pôdôs bagwélél boñ ni hop Araméa,*+ inyule di nok wo; ndi u pôdôs bañ bés ni hop Lôk Yuda, inyule i bôt ba yé i ngii lipénd, ba yé i emble bés.”+ 12 Ndi rabsaké a timbhe le: “Baa u nhoñol le nwet wem a ñom me le me añle ndik we ni nwet woñ bibañga bini? Ngo a ñom ki me yak bôt ba ba yé i ngii lipénd, ba b’a je tjibi tjap ndék ngéda, ba nyo ki masai map lôñ yada ni bé.”

13 I mbus, rabsaké a pot makeñi ni hop Lôk Yuda+ le: “Emblana bibañga bi kiñe ikeñi le kiñe Asiria.+ 14 Lana nyen kiñe i nkal: ‘Hézékia a lôk bañ bé, inyule a nla bé sôñ bé.+ 15 Hézékia a tinde bañ bé i bôdôl Yéhôva ñem+ ni i bibañga bini le: “Ibabé pééna, Yéhôva a’ sôñ bés! To kiñe Asiria i ga la bé yoñ i tison ini.” 16 Ni emble bañ Hézékia, inyule lana nyen kiñe Asiria i nkal: “Kôba nsañ ni me, ni ti ki moo;* ha nyen hiki wada nan a’ je matam ma nkôô wé wai ni ma e yé faigé, a nyo ki malép ma bee yé nyemede, 17 i mbus, m’a lo, me kena bé i loñ i mpôna loñ nan,+ loñ i bijek ni i wai yondo, loñ i bret ni i minkôô mi wai. 18 Ni neebe bañ le Hézékia a lôk bé i ngéda a nkal le: ‘Yéhôva a’ sôñ bés.’ Ikété banyambe ba biloñ bipe, baa nyambe to wada a bi la sôñ loñ yé i moo ma kiñe Asiria?+ 19 Banyambe ba Hamat ni ba Arpad+ ba yé hee? Banyambe ba Séfarvaim+ ba yé hee? Baa ba bi la sôñ Samaria i moo mem?+ 20 Bambe banyambe ikété banyambe ba biloñ bini gwobisôna ba bi la sôñ loñ yap i moo mem? Baa Yéhôva nyen a’ la sôñ Yérusalem i moo mem?”’”+

21 Ndi ba bi mom nwee, ba pot bé to buk, inyule kiñe i bi ti bo oda le: “Ni timbhege bañ nye.”+ 22 Ndi ñane ndap* kiñe le Éliakim, man Hilkia, ni mut matila le Sebna,+ lôñni ntééda bikaat le Yôa, man Asaf, ba bi was mambot map, ba ke yak Hézékia, ba añle nye i mam rabsaké a nkal.