Yérémia
4 Yéhôva a nkal le: “Ibale u ntémb i meeni, a Israel,
ibale u ntémb i meeni,
u héya bisat gwoñ bi nyega i bisu gwem,
w’a ke bé i minkôm.+
2 Ibale u mpot le:
‘Me nkum soñ ni niñ i Yéhôva!’ U boñ ki hala ni maliga, mbagi sép ni telepsép,
ha nyen biloñ bi ga kôhna bisai ni njel yé,*
bi kôhna ki lipém inyu yé.”+
3 Inyule Yéhôva a nkal bôt ba Yuda ni ba Yérusalem le:
“Sala hisi hilam,
ni bel ha bañ mbôô ipôla biloo.+
4 Kweebana inyu Yéhôva,
a bé bôt ba Yuda ni bé ba ni nyééne i Yérusalem,
tiga le hiun hiem hi kala kiki hié,
hi kahal loñ kayéle mut to wada a la bé lém hio
inyu maboñok manan mabe.”+
5 Añlana i jam lini i Yuda, leglana jo i Yérusalem.
Londa, hema ki hioñ ni loñ yosôna.+
Londa ni kiñ yosôna le: “Kodbana,
di kenek ngwéé, di solop ikété bitison bi bi gwé mapénd ma ngui.+
6 Téa yimbne* i i ñunda njel Siôn.
Yéña lisolbene, ni tiñha bañ,”
inyule me yé i lona bikuu bi bi nlôl i pes ñombok,+ tjiba ikeñi.
7 Ntjé-biloñ a yé i njel.+
A mpam kiki mbondo njéé i mpémél i lisolbene+ jé.
A nyodi i homa wé inyu yilha loñ yoñ yom bilim.
Bitison gwoñ bi ga tjiba, mut to wada a ga yééne ha bé mu.+
9 Haana nyen Yéhôva a mpot: “I kel i, ñem* u kiñe u ga sehla,+
yak miñem* mi baane;
biprisi bi ga kon woñi, bapôdôl ba ga hel.”+
10 Ha nyen me bi kal le: “Wééi, a Nwet Bayemlikok le Yéhôva! U bi lôk toi litén+ lini, yak ni Yérusalem, inyule u bi kal le: ‘N’a bana nsañ’+ ndi ki le pansoñ i yé bés i joo.”*
11 Ha ngéda i, ba ga kal litén lini, ni bôt ba Yérusalem le:
“Mbebi i nlék i i nlôl i dikôa di ñoñ di di gwé bé bikai
i ga hôñ i ngii hingonda* hi litén jem;
i ga hôñ bé inyu pep blé, to inyu pubus yo.
12 Men me ga ti oda le mbuk mbebi a hôñ mu bahoma ba.
Nano, me ga pémhene bé mbagi kogse.
13 Nuna-ki! Ñoo a ga lo kiki ond i i nlona nop,
bikak gwé bi gwét bi yé kiki mbuk mbebi.+
Bihosi gwé bi nhoo kiki minyôgôl.+
Ngoo ni bés inyule di ntjiba!
14 Jôwa ñem woñ a Yérusalem, u héya mam mabe mu inyu boñ le u kôhna tohi.+
Kekii u ga waa hégda mam mabe?
15 Inyule kiñ i nlegel nwin u nlôl i Dan,+
i ñañal bikuu bi bi nlôl i dikôa di Éfraim.
16 Ñ, añlana wo i biloñ;
leglana wo i Yérusalem.”
“Bisônda* bi nlôl i loñ i yé haa,
bi ga leñ nlondok gwét inyu jôs bitison bi Yuda.
17 Bi ga kéña Yérusalem bipes gwobisôna kiki batat nwom,+
inyule a bi ndogbene me,”+ hala nyen Yéhôva a mpot.
18 “Manjel moñ ni maboñok moñ ma ga timbil we.+
Kogse yoñ i ga ba ndutu ngandak,
inyule i ga nôgha we njôghe letee ni i ñem!”
19 Kinje ndutu,* kinje ndutu!
Me nok njôghe ngandak i ñem.*
Ñem wem u mbép ni ngui ikété yem.
20 Njiiha ni njiiha yon me nok ba ñañal,
inyule loñ yosôna i ntjiba.
Kunda yada, mandap mem ma mabadô ma ntjiba,
yak mabadô ma bilap gwem+ i nlélém ngéda.
21 Letee ni ngéda mbe m’a tehe yimbne?*
Letee ni ngéda mbe m’a nok ba nhem hioñ?+
22 “Inyule litén jem li yé jôñ;+
ba gwé bé ngéda yem.
Ba yé ditégéé di bon, ba gwé bé yi.
Yi* yap i yé ndik inyu boñ béba,
ba nyi bé i boñ loñge.”
23 Me bi tehe loñ, ndi nun-ki! I bé hôlô, mut a bé ha bé mu.+
Me bi béñge ngii, i bé ti ha bé mapubi mé.+
24 Me bi béñge dikôa, ndi nun-ki, di bé nyeñg,
yak bahoma ba nyôgi ba bé pôgha.+
25 Me bi béñge, ndi nun-ki, mut nye ki nye a bé bé,
yak dinuni di ngii tjodisôna di bi nke ngwéé.+
26 Me bi béñge, ndi nun-ki, nwom mi bi yila ñoñ,
yak bitison gwé gwobisôna bi bi tjiba.+
Yéhôva nyen a bi boñ hala,
inyule a bi unup ngandak.
27 Inyule Yéhôva a nkal le: “Loñ yosôna i ga yégle hôlô,+
ndi me ga tjé bé yosôna.
29 Kiki ba nok ndik mbimba i bihosi ni i baleñ mimpihlôñgô,
bôt ba tison bobasôna ba ke ngwéé.+
Ba jôp i bikai,
ba bet i ngii maaa.+
Bitison gwobisôna bi nyégle hôlô,
mut nye ki nye a nyééne ha bé mu.”
30 Nano kiki u ntjiba, w’a boñ lelaa?
U bé haba mambot ma nkôyôp tjôôm,
u habga bieñg bi gôl,
u pénék mis moñ ni libu li nhénd* inyu kéñbaha mo.
31 Inyule me nok kiñ i mpôna kiñ i muda nu a nkon,
me nok muda a nkém wengoñle muda nu a yé i gwal man wé nu bisu,
ngond Siôn yon i nwaa bé hehel.
A nsambal moo,+ a kalak le:
“Ngoo ni me, inyule bôt ba manola ba nwéés me!”