Yérémia
6 A bon ba Benyamin, kena solbana haa ni Yérusalem.
Kuinana hié i Bét-Hakérem inyu boñ le hi ba kiki yimbne!
Inyule bikuu bi nlôl i ñombok, ndutu ikeñi le!+
2 Ngond Siôn i mpôna nlam muda nu a gwé niñ i mbomboo.+
3 Batééda mintômba ba ga lo ni bibémba gwap.
Ba ga kéña nye ni mandap map ma mabadô.+
Hiki wada wap a ga jés mintômba nwé.+
4 “Kôôbana i jôs nye gwét!
Telbana, di leñ nye gwét i kosi!”
“Ngoo ni bés, inyule u u nkahal sude,
yiye i kôkôa i nkahal ap!”
5 “Telbana, di leñ nye gwét ni juu,
di bôk minkum nwé mi mandap.”+
6 Inyule Yéhôva nu mintôñ mi gwét a nkal le:
“Kida bie, baña bijôl bi gwét inyu jôs Yérusalem.+
A yé tison le ba nlama kéés;
ndééñga i yé ni tison yosôna.+
7 Kiki bee malép i ntééda malép le ma sune,
hala nyen maboñok mabe ma mal bé nyoo.
8 Emble mabéhna mem a Yérusalem, tiga le u yilna me yom nyega,+ me kôm ki we mbus;
me ga yilha we homa nu a yé hôlô, loñ i i gwé bé bôt.”+
9 Yéhôva nu mintôñ mi gwét a nkal le:
“I bon ba Israel bobasôna ba nyégle, ba ga kot bo kiki ba nkot matam ma nsôk ma nkôô wai.
Témb tégbaha woo woñ kiki mut nu a nkot matam ma nkôô wai.”
10 “Njee me ga pôdôs? Njee me ga béhe?
Njee a ga emble?
Ba nloñ maôô map,* ba noga ha bé.+
Bañga i Yéhôva i nyilna bo yom diyana;+
i nlémél bé bo.
11 Jon kiki Yéhôva, yak me me ñunbene bo ngandak,
me nwaa hônba, me nla ha bé mom nwee.”+
“Kôp boñge ba ba yé i minloñ+ hiun hioñ,
kôp hio mintôñ mi boñge ba wanda mi mi kôdi.
12 Bôt bape bon ba ga yoñ mandap map,
nwom nwap ni baa bap.+
Inyule me nsambal woo wem inyu kogse bôt ba nyééne munu loñ,” hala nyen Yéhôva a mpot.
13 “Ibôdôl nuntitigi ikepam nunkeñi, hiki wada wap a nje bôt nseñ;+
ibôdôl mpôdôl letee ni prisi, hiki wada wap a mpôs bôt.+
14 Ba noode mélés kon* u litén jem, ibabé i boñ biliya;* ba nkal ndik le:
‘Nsañ u yé! Nsañ u yé!’
Ndi ki le nsañ u ta bé.+
15 Baa i mam mabe ba bi boñ ma nkônha bo hison?
Ba nkon bé hison to ndék!
Ba nyi bé to kii ba nsébél le wonyuu!+
Inyu hala nyen ba ga kwo kiki i bôt ba bi bôk ba kwo.
Ba ga tjiba i ngéda me ga lona kogse,” hala nyen Yéhôva a mpot.
16 Yéhôva a nkal le:
“Telbana i mankanda ma minloñ, ni béñge.
Ni bat hee minlômbi mi manjel mi yé,
ni bat hee loñge njel i yé, ni kil ki mu.+
Ha nyen ni ga bana hogbe.”
Ndi ba bi kal le: “D’a kil bé mu.”+
17 “Me bi téé bôt ba faa,+ ba ba bi kal le:
‘Emblana kiki ba nhem hioñ!’”+
Ndi ni bi kal le: “Di ga emble bé.”+
18 “Jon, a biloñ emblana!
A matén, yina
i jam li ga pémél bo.
19 Emble, a hisi!
Me yé i lona litén+ lini bikuu,
inyu bipék gwap bibe,
inyule ba bi emble bé bibañga gwem,
ba bôk ki mbén* yem.”
20 “Binunumba gwoñ u nyôñôl i Séba,
ni likai li li numb loñge njiñ u nyôñôl i loñ i yé haa, baa bi nhôla kii me?
Me neebe bé bisesema gwoñ bi ntul i hié,
to bisesema gwoñ bipe bi nlémél bé me.”+
21 Inyu hala nyen Yéhôva a nkal le:
“Me yé i biine bôt ba litén lini ngok bageene,
ba ga baage mu,
basañ ni bon bôlôm,
mut ni liwanda jé,
bobasôna ba ga wo.”+
22 Yéhôva a nkal le:
“Nuna-ki! Litén jada li yé i lôl i loñ i yé i ñombok,
loñ ikeñi i ntôde i bipes bi nkoñ ’isi+ bi bi yé haa.
23 Ba gwé mimpihlôñgô ni makoñ.
Ba gwé béba ñem, ba ga kon bé mut ngoo.
Mbimba i kiñ yap i yé kiki tuye,
ba bédi i ngii bihosi.+
Ba ga téé mintôñ nwap mi gwét kiki mut wada inyu jôs we, a ngond Siôn.”
24 Di bi nok ngan yap.
25 Ni ke bañ i bikai,
ni pam bañ i minloñ,
inyule ñoo a gwé pansoñ;
homa nyensôna, bôt ba nkon woñi.
26 A ngond litén jem,
haba nsugut,+ béñba ki i libu.
27 “Me bi yilha we* ikété litén jem kiki mut nu a mpubus gôl ni silba,
mut nu a nyoñ ngéda i wan.
U nlama yoñ ngéda i wan maboñok map.
Ba yé kiki mamuna ni kei;
bobasôna ba mboñ minkoda mi mam.
29 Mut a mboñ biliya bi ngui inyu pubus bo, kayéle yak pébél yé i hié i lék.
Ndi lipidô ndik jon li mpémél mu hié.
30 Bôt ba ga sébél bo le silba i ba ntjél,
inyule Yéhôva a ntjél bo.”+