Yérémia
22 Haana nyen Yéhôva a nkal: “Kee i ndap* i kiñe Yuda, u legel nye i nwin unu. 2 U nlama kal nye le: ‘Emble bibañga bi Yéhôva, a kiñe Yuda, we nu u yii i yééne ane i David, we ni bagwélél boñ ni litén joñ, ni bôt bobasôna ba njubul munu manwemel mana. 3 Haana nyen Yéhôva a mpot: “Pémhana mbagi sép, boña ki mam ma téé sép. I mut ba nkadal gwom, ni sôñ nye i moo ma mut ngadla. Ni tééñga bañ nkén mut, ni boñ bañ man nyuu* to yik muda béba.+ Ni kôp bañ to matjél ma mut nu a yé nginsohi hana homa nunu.+ 4 Ibale ni nôgôl i bibañga bini, ha nyen bikiñe bi bi yii i yééne ane i David+ bi ga jubul munu manwemel ma ndap ini, bi bak bi bédi i ngii bikak bi gwét ni bihosi, bo ni bagwélél bap ni litén jap.”’+
5 “‘Ndi ibale ni nôgôl bé i bibañga bini, me nkum soñ ni niñ yem,’ hala nyen Yéhôva a mpot: ‘Le i ndap ini i ga tjiba.’+
6 “Inyule haana nyen Yéhôva a mpot inyu ndap i kiñe Yuda:
‘U yé kiki Giléad inyu yem,
kiki ngii hikôa hi Libañ.
Ndi m’a yilha we ñoñ;
mut nye ki nye a ga yééne bé i bitison gwoñ.+
Ba ga kit bie gwoñ bi sidar bilam,
ba leñ ki gwo i hié.+
8 “‘Ngandak biloñ i ga tagbe bebee ni tison ini, i badnaga le: “Inyuki Yéhôva a bi boñ i tison ikeñi ini hala?”+ 9 Bôt ba ga timbhe le: “Inyule ba bi tjôô malômbla ma Yéhôva Nyambe wap, ba kahal ôôp i bisu bi banyambe bape, ba béghak bo.”’+
10 Ni ee bañ i mut a bi wo,
ni siida bañ inyu yé.
Ndi ni ee ngandak inyu mut ba bi kena i minkôm,
inyule a ga tehe ha bé loñ i ligwééne jé.
11 “Haana nyen Yéhôva a mpot inyu Salum*+ man Yôsia, kiñe Yuda, nu a bi yoñ tel isañ le Yôsia,+ nu a bi nyodi hana homa nunu: ‘A ga témb ha bé hana. 12 Inyule a ga wél nyoo i homa ba bi kena nye minkôm, a ga tehe ha bé i loñ ini.’+
13 Ngoo ni nu a ngwélél manjel
ma téé bé sép inyu oñ ndap yé,
a nkônde bituñ mu ndap yé ngii ibabé le a noñ telepsép,
nu a nyégsa mut wé libôk le a sélél nye yañga,
nu a ntjél ti nye nsaa wé;+
14 nu a nkal le: ‘M’a oñ ndap ikeñi,
i ban-ga bituñ bikeñi i ndegi ngii.
Me ga ha biwinda mu,
me hô mabap ma ndap ni mabam ma sidar, me pén yo ni kôyôp pén.’
15 Baa u nhoñol le u ga kônde ane inyule u ngwélél mabam ma sidar iloo bana bape?
16 A bé kéés hop u bôt ba nok ndutu ni u diyeyeba,
jon mam ma bé ke loñge.
‘Baa hala bé nyen i mut a nkal le a nyi me a nlama boñ?’ Hala nyen Yéhôva a mpot.
17 ‘Ndi mis moñ ni ñem woñ bi nyéñ ndigi manjel i je bôt nseñ,
i kôp matjél ma bôt ba yé nginsohi,
i lôk bôt ni i kadal bo gwom.’
18 “Inyu hala nyen Yéhôva a nkal inyu Yéhôyakim,+ man Yôsia, kiñe Yuda le:
‘Ba ga ee bé nye le:
“Éé a mankéé nu munlôm! Éé a mankéé nu muda!”
Ba ga ee bé to nye le:
“Éé a nwet! Éé a kiñe!”
20 Bet i Libañ, u lond,
bédés kiñ yoñ i Basan,
lond nyoo i Abarim,+
inyule mimbok nwoñ nwominsôna mi ntjiba.+
21 Me bi pôdôs we i ngéda u bé ikété nsañ.
Ndi u bi kal le: ‘M’a nôgôl bé we.’+
Lem yoñ i, ibôdôl we mañge,
le u nôgôl bé me.+
22 Mbebi i ga begee batééda mintômba boñ bobasôna, i kena bo,+
yak mimbok nwoñ mi ga ke i minkôm.
Hala nyen u ga wo nyuu, u kon ki hison inyu bikuu gwobisôna bi ga kwél we.
23 A we nu u nyééne i Libañ,+
we nu u bi oñ jumbul joñ ipôla bie bi sidar,+
u ga siida inyule u mba u nok njôghe,*
kiki muda nu a nkôôga!”+
24 “Yéhôva a nkal le: ‘Me nkum soñ ni niñ yem le, to ibale Kônia,*+ man Yéhôyakim,+ nyen a bak hilonde hi sitamp i woo wem walôm, ki me nsodol nye. 25 Me ga sem we i moo ma bôt ba nyéñ nol we,* i moo ma bôt u nkon woñi, i moo ma Kiñe Nébukadnézar* nu Babilôn, ni i moo ma bôt ba Kaldéa.+ 26 Me ga leñ we ni nyuñ nu a bi gwal we i loñ ipe, i loñ ni bi gwééne bé, nyoo nyen ni ga wél. 27 Ba ga témb ha bé munu loñ i nkon bo ngôñ.+
28 Baa i mut nunu le Kônia a yé ndigi mbôak hibee le bôt ba nyan,
ébél le mut nye ki nye a ngwés bé?
Inyuki ba nleñ nye ni mbôda yé ’isi,
inyuki ba nléña i loñ ba nyi bé?’+
29 A hisi,* a hisi, a hisi! Emble bañga i Yéhôva.
30 Haana nyen Yéhôva a nkal: