Amôs

‘“Inyu bibéba* baa bi Môab,+ inyu bibéba bina yaga, me ga héñha bé mahoñol,

inyule a bi ligis bihés bi kiñe Édôm, bi yila libu.

 2 Me ga om hié ikété Môab,

hi ligis minkum mi mandap mi Kériôt;+

Môab a ga kwo ni liyôgbe likeñi,

ni nlondok u gwét, ni nhemek u hioñ.+

 3 M’a héya kiñe* ikété yé,

me nol nye ni baane bé bobasôna,”+ hala nyen Yéhôva a mpot.’

‘Inyu bibéba baa bi Yuda,+ inyu bibéba bina yaga, me ga héñha bé mahoñol,

inyule ba bi nôgôl bé mbén* Yéhôva,

inyule ba bi tééda bé matiñ mé;+

ndi minlélém mi bitembee basôgôlsôgôl bap ba bi noñ nwon mi nyumus bo.+

 5 M’a om hié i Yuda,

hi ligis minkum mi mandap mi Yérusalem.’+

‘Inyu bibéba baa bi Israel,+ inyu bibéba bina yaga, me ga héñha bé mahoñol,

inyule ba nuñul mut a téé sép inyu silba,

yak ni hiyeyeba hi mut inyu bitamb.+

 7 Ba ntidbe miño mi bôt ba mbomb+ ikété lipum li biték,

ba nsék bôt ba suhulnyuu njel.+

Man bo isañ ba nlalna nlélém muda,

inyu ôbôs jôl jem lipubi.

 8 Ipañ hiki juu li bisesema,+ ba nañle mambot ba bi kadal kiki bibep;+

i wai ba nyo i ndap* banyambe bap, i yé wai le ba bi yoñ kiki bikwak.’

 9 ‘Ndi men me bi tjé Lôk Amôr i bisu gwap,+

nu a bééna mbôñgô ntel kiki e sidar, a bak mpémba kiki e ikeñi;

me bi ôbôs matam mé nyoo ngii, me nup ki minkañ nwé hana ’isi.+

10 Me bi nyodna bé i loñ Égiptô,+

me bi éga bé ikété ñoñ 40 ma nwii,+

inyu kôdôl hisi hi Lôk Amôr.

11 Me bi téé bon banan bahogi bapôdôl,+

me téé yak boñge banan ba wanda bôt ba Nazir.+

12 ‘Ndi ni bi boñ le bôt ba Nazir ba nyo wai,+

ni ti bapôdôl oda le: “Ni nlama ha bé ki pot.”+

13 Me ga nyagat bé i homa ni yéne,

kiki kak i i yé nyonok ni blé, i nyagat hiki yom i ngéda i ntagbe.

14 I mut a mpala ngwéé a ga bana bé homa inyu kil ngwéé,+

mpémba mut u ga nimis ngui yé,

to njogwét a ga la ha bé sôñ niñ yé.

15 Nleñ mpihlôñgô a ga telep bé bitétéé,

mut makôô ma nhoo a ga la bé so,

to nu a nkil i hosi a ga la bé péyés niñ yé.

16 To nu a nlôôha ba lôs* ikété bajogwét,

a ga ke ngwéé i kel i, a bak nso,’+ hala nyen Yéhôva a mpot.”