Amôs
4 “Emblana lipôdôl lini, a miñin mi nyaga mi Basan.
Bé ba ni yé i ngii hikôa Samaria,+
a bôda ba ni nlôk bôt ba nyend,+ ni tédék diyeyeba,
bé ba ni nkal balôm* banan le: ‘Tina bés yom i nyo!’
2 Yéhôva, Nwet Bayemlikok, a nkum soñ ni libak jé lipubi le:
‘“Nuna-ki! Dilo d’a lo le a ga pa bé ni dikoba di di mbaa nyaga,
i bet ba nyégle, a ga pa bo ni minlop mi tjobi.
3 N’a pémél i mapondo ma lipénd, hiki muda a kenek i bisu gwé;
n’a léña i Harmôn,” hala nyen Yéhôva a mpot.’
5 Lighana bret bi gwé séñha+ kiki sesema i mayéga;
leglana makébla manan ma ñem i mbamba!
Inyule hala nyen ni ngwés ni mboñ, a litén li Israel,’ hala nyen Yéhôva, Nwet Bayemlikok, a mpot.
6 Ndi me bi boñ ikété bitison binan gwobisôna le masoñ manan ma pôp inyule bijek bi nhañ;*
me bi boñ le bret bi héñél bé ikété mandap manan momasôna;+
ndi to hala, ni bi témb bé i meeni,”+ hala nyen Yéhôva a mpot.
7 ‘Me bi nim bé nop sôñ aa ilole libumbul li mbôdôl;+
me bi nôs nop i tison yada ndi i tison ipe, nop a no bé.
Nop a bé no i nkoñ wada,
ndi unu umpe nop a bé no bé kayéle hisi hi let kôñ kôñ.
8 Bôt ba bé nyodi i bitison biba tole baa, ba kenek ba ntômnde i tison ipe inyu yéñ malép ma nyo,+
ndi nyus malép i bé mal bé bo;
to hala, ni bi témb bé i meeni,’+ hala nyen Yéhôva a mpot.
9 ‘Me bi ômle bé mbebi i nlék, me leñ ki libumbul linan makon.+
Ni bi bulus nwom minan ni nwom minan mi minkôô mi wai,
ndi bitandi bi bi je bie binan bi faigé ni bie bi ôlivé;+
ndi to hala, ni bi nai le ni ntémb bé i meeni,’+ hala nyen Yéhôva a mpot.
10 ‘Me bi leñ bé himala hi kon kiki me bi boñ i loñ Égiptô.+
Me nol boñge ba wanda banan+ ni pansoñ, me gwel bihosi binan;+
me boñ le bôô njiñ i mim i numbul bé ikété mandap manan;+
ndi ni bi témb bé i meeni,’ hala nyen Yéhôva a mpot.
11 ‘Me bi lona tjiba i bééni
kiki ngéda Nyambe a bi tjé Sôdôm ni Gômôra.+
Ni bé wengoñle hié le ba nhéya i juu;
ndi ni bi témb bé i meeni,’+ hala nyen Yéhôva a mpot.
12 “Hala nyen me ga boñ we, a Israel.
Jon, kiki me ga boñ we hala,
kôôba i boma Nyambe woñ, a Israel.