Mika
6 Soho, emblana i jam Yéhôva a yé i kal.
Telep i minkaa i bisu bi dikôa dikeñi,
pot inyu boñ le bon ba dikôa ba nok kiñ yoñ.+
2 A dikôa, emblana hop Yéhôva a gwé,
a bé dikuu di hisi di di mpiñgla bé,+
inyule Yéhôva a gwé hop ni litén jé;
nye ni Israel bon ba yé i minkaa:+
3 “A litén jem, kii me bi boñ we?
Me bi wéés we ni limbe jam?+
Kal i jam me mboñ we.
4 Inyule me bi nyodna we i loñ Égiptô,+
me kobol we i ndap minkol;+
me bi om Môsi, Arôn ni Miriam+ i bisu gwoñ.
5 A litén jem, soho bigda mahoñol ma Balak, kiñe Môab,+
ni i jam Balam, man Béor, a bi timbhe nye,+
i mam ma bi tagbe ipôla Sitim+ ni Gilgal,+
le ndi u yi maboñok ma telepsép ma Yéhôva.”
6 Lôñni kii me ga telep i bisu bi Yéhôva?
Lôñni kii me ga ôôp i bisu bi Nyambe nu ngii?
Baa m’a telep nye i bisu ni bisesema bi ntul i hié,
lôñni bon ba nyaga ba nwii wada?+
7 Baa Yéhôva a’ kon maséé ni dikôô di balôm ba mintômba,
tole ni ngandak môô?+
Baa m’a ti mbôkgwéé wem inyu liboñok jem libe,
tole man wem inyu béba yem?+
8 A mut binam, a bi unda we i jam li yé loñge.
Kii Yéhôva a mbat le u boñ?*
9 Kiñ Yéhôva i nôga i tison;
i bôt ba gwé bañga pék ba ga kon jôl jé woñi.
Neebana hisôô hi kogse, ni nu a nlona hio.+
10 Baa nkus béba mut i bi kôhna ni manjel mabe, u ngi yii i ndap yé,
yak hihéga hi éfa* hi hi yôni bé, hion hi yé jam li nsuñgaha ñem?
11 Baa me nla ba nginsohi* ibale me nhéñha kilô inyu lôk bôt,
tole ni bot i i yé nyonok ni matam ma kilô ma malôga?+
12 Mingwañ nwé mi bôt mi ngwés bisañ* ngandak,
yak bôt ba ba nyééne i nyeni ba mpot bitembee;+
manyo map ma mpot ndigi bitembee.+
13 “Me ga bép we, me babaa we,+
me ntjé ki we inyu bibéba gwoñ.
14 U ga je, ndi w’a nuu bé;
libum li ga ba we hôlô.+
Gwom u nyoñ, w’a kena bé gwo,
gwom u nkena, b’a kadal we gwo ni pansoñ.
15 W’a nwes mbôô, ndi w’a bumbul bé.
W’a tjo matam ma ôlivé, ndi w’a gwélél bé i môô ma;
w’a tjo ki matam ma nkôô wai, ndi w’a nyo bé wai.+
16 Inyule ni noñ biniigana bi Ômri ni maboñok momasôna ma ndap Ahab,+
ni nôgôl ki maéba map.