Masoola Yôhanes a bi kôhna

11 Ndi likai*+ li li bé pôna ntoñgo li bi tina me i ngéda a bi kal le: “Telep, hek homa mpubhaga nu témpel Nyambe, ni juu li bisesema, ni bôt ba mbégés mukété. 2 Ndi inyu mbégdé i i ta bé ikété homa mpubhaga nu témpel, nwas yo, u hek bañ yo, inyule ba bi ti yo matén, ma ga tidbe tison+ pubhaga 42 sôñ.+ 3 M’a boñ le bôt bem ba mbôgi bo iba ba pot mbañ 1 260 dilo, ba bak ba hééba minsugut.” 4 Bana bôt ba mbôgi bo iba bon ba yé bie bi ôlivé biba+ ni bitééne bi bilambe biba;+ ba téé bisu bi Nwet hisi.+

5 Ibale mut a nsômbôl boñ bo béba, hié hi mpémél i manyo map, hi ligis baoo bap. Ibale mut a nsômbôl boñ bo béba, hala nyen a nlama nôla. 6 Ba gwé ngui i yip ngii*+ kayéle nop a no bañ+ mu dilo ba mpôdôl mbañ, ba gwé ki ngui i ngii malép, i yilha mo matjél,+ ni i ôbôs hisi ni mintén mi dimala nwominsôna to imbe ngéda ba ngwés.

7 I ngéda b’a mal bok mbôgi yap, nuga bikai i i nlôl i soñkum i ga jôs bo gwét, i yémbél bo, i nol ki bo.+ 8 Mim nwap mi ga ba i nlôm njel nu tison ikeñi, i i nsébla i pes mbuu le Sôdôm ni Égiptô, i homa yak Nwet wap a bi nôla i ngii kék. 9 Ndi bôt ikété mahaa, ni matén, ni dilémb,* ni biloñ, b’a béñge mim nwap dilo daa ni pes,+ ba ga nwas bé to le mim nwap mi juba ikété soñ. 10 Yak i bôt ba nyééne hana ’isi b’a kon maséé, ba boñ ki ngand inyu nyemb yap, ba tin-ga ki makébla bo ni bo, inyule i bapôdôl bana bo iba ba bé kép i bôt ba nyééne hana ’isi mbai.

11 I mbus dilo daa ni pes, mbuu niñ u u nlôl yak Nyambe u bi jôp ikété yap,+ ha nyen ba bi telep ni makôô map, yak i bôt ba bi tehe bo, ba kon woñi ngandak. 12 Ba nok ki kiñ ikeñi i nlôl i ngii i nkal bo le: “Beda nyono.” Ha nyen ba bi bet i ngii ikété ond, baoo bap ba tehge bo.* 13 Ha ngeñ i, hisi hi bi nyeñg ngandak, yak jôga jada li tison ikété jôm li tjiba, yak 7 000 bôt di wo mu nyeñg hisi; i bôt ba bi yégle ba kon woñi, ba ti ki Nyambe nu ngii lipém.

14 Ndutu+ i nyônôs iba i mal tagbe. Nun-ki! Ndutu i nyônôs aa i mpala lo.

15 Añgel i nyônôs isaambok i hem sép yé.+ Ha nyen makiñ makeñi ma bi nôga i ngii, ma kalak le: “Ane nkoñ ’isi i mal yila Ane Nwet wés+ ni i Kristô wé,+ a ga ane ki i boga ni boga.”+

16 Ha nyen 24 mimañ+ mi mi bé mi yii i biyééne gwap bi ane i bisu bi Nyambe, mi ôm mbom yap ’isi, mi bégés ki Nyambe, 17 mi kalak le: “A Yéhôva,* Nyambe Nu ngui yosôna, wen u yé,+ wen u bé ki, di nti we mayéga inyule u mal yoñ lipémba joñ likeñi, u bôdôl ki ane.+ 18 Ndi biloñ bi unup, yak we hiun hioñ hi lo, yak ntéak ngéda inyu kéés bawoga u lo, ni inyu bom+ minkol nwoñ le bapôdôl,+ ni bapubhaga, ni i bôt ba nkon jôl joñ woñi, batitigi ni bakeñi, ni inyu lona tjiba i ngii bôt ba ba ñôbôs hisi.”*+

19 Ha nyen homa mpubhaga nu témpel Nyambe nyoo i ngii a bi yibla, nkuu Malômbla mé u nene ikété homa mpubhaga nu témpel yé.+ Nwegnwek a bé nwek, yak makiñ ni mbambat bi bamak, hisi hi nyeñgek, yak nop matan-ga makeñi a kwok.