Yésaya
3 Inyule bañga Nwet le Yéhôva nu mintôñ mi gwét,
a yé i héya mam momasôna ma nit bôt ba Yérusalem ni ba Yuda, ni mam ba mbôdôl ñem,
hala wee bret ni malép,+
2 mut ngui ni njogwét,
nkéés ni mpôdôl,+ mut nu a mbo ngambi ni mañ mut,
3 ñane 50 ma bisônda,+ bañga bôt ni batipék,
bôt ba makañ bakeñi ni babobe nyoo.+
4 Boñge ba wanda bon ba ga ba baane bap,
i mut a mbéna héñha mahoñol* nyen a ga ane bo.
5 Bôt ba ga tétna bo ni bo,
hiki mut a kébék mut wé libôk mbai,+
mañge a ga telep i jôs mañ mut,
yak hitégéé hi mut hi ga kolba bañga mut.+
6 Hiki mut a ga gwel manyañ i ndap isañ, a kal nye le:
“U gwé mbôñgô mbot, yila ñane wés.
Bôdôl énél i nwind binan unu.”
7 Ndi a ga tjél, a kal manyañ yokel le:
“Me bé nyen m’a tibil mambabaa manan;*
me gwé bé bijek to mambot i meeni.
Ni téé bañ me ñane litén.”
8 Inyule Yérusalem a mbaage,
Yuda a nkwo,
inyule bipôdôl gwap lôñni maboñok map bi nkolba Yéhôva;
9 Masu map ma ñunda le ba mboñ mam mabe,
ba yé kiki bôt ba Sôdôm,+ ba mpot mam map mabe i ti bôt;
ba noode bé to sôô mo.
Ngoo ni bo, inyule ba mboñ mam ma ga lona bo bikuu!
11 Ngoo ni béba mut!
Bikuu bi ga kwél nye,
inyule i mam a bi boñ mon ba ga boñ nye!
12 Baane bôlô ba bôt ba litén jem ba ntét bo,
bôda ba ñane litén jem.
A litén jem, baane boñ ba nyumus we,
ba mboñ we le u nimil njel u nlama kil.+
13 Yéhôva a yé i kôôba i telep minkaa;
a ntelep inyu pémhene matén mbagi nôgôs.
14 Yéhôva a ga kéés baane ni mimañ mi litén jé.
“Ni bi ligis wom u minkôô mi wai,
i gwom ni bi nibil diyeyeba bi yé ikété mandap manan.+
15 Inyuki ni ntééñga litén jem,
inyuki ni nkép ki diyeyeba mbai?”*+ Hala nyen Nwet Bayemlikok le Yéhôva nu mintôñ mi gwét a mpot.
16 Yéhôva a nkal le: “Inyule bingond bi Siôn bi yé ngôk,
bi nke bi ntéé miño,*
bi tjagak bôlôm ni mis map, bi nyegbak,
bi pôghak minsañ mi yé bo i makôô,
17 Yéhôva a ga kôp bingond bi Siôn makoo i ño,
Yéhôva a ga boñ le ba bana liseha.+
18 I yokel nu, Yéhôva a ga mélés bilama gwap: minkôm nwap,
minkai nwap ba nkañ i mbom, yak ni gwom gwap bi nyañga bi bi mpôna sôñ,+
19 dimbuñga,* minkôm ni biyañsi,
20 bieñg bi ño, minsañ mi makôô, ngôli,*
ndoñgi labinda ni bieñg bi nyañga,*
21 dilonde di dinoo ni dilonde di jôl,
22 mambot ma nyañga, mambot ma ngii, mimbôñgô mi mambot ni biposa,
23 léman i moo,+ ni mambot* ma libadô li loñge bôñgô,*
biyañsi ni mabadô ba nhul ño.
24 Biloñge bi binunumba+ bi ga numb bôô njiñ;
iloole ba bana ngôli, b’a bana nkôô;
iloole ba bana biloñge bi tjôñ, b’a bana liseha;+
iloole ba bana bañga mambot, b’a bana minsugut;+
iloole ba bana bilama, b’a bana bindôndôô.
25 Pansoñ i ga nol bôlôm boñ,
bôt boñ ba ngui ba ga nôla i gwét.+