Yésaya
9 Ndi jiibe li ga ba bé kiki i ngéda kôba, i ngéda loñ i bé ikété njiiha; i ngéda bôt ba bé ndegle loñ Zébulôn ni loñ Naftali.+ Ndi i mbus ngéda, Nyambe a boñ le njel i nke i tuye i kôhna lipém, yon i yé bebee ni Yordan, Galiléa nu biloñ!
2 Loñ i i bé kil ikété jiibe
i ntehe mapubi makeñi.
Yak i bôt ba bé yééne i loñ i ngangañ jiibe,
mapubi ma mbéyéi bo.+
3 U mbulus bôt ba loñ;
u boñ le ba kon maséé ngandak.
Ba nkon maséé i bisu gwoñ
kiki bôt ba nkon maséé i ngéda libumbul,
kiki bôt ba nkon maséé i ngéda ba nkabna nkus le ba nkadal i gwét.
4 Inyule u bi nyugut kop nson i i bé yidil bo,
u bôk kék i i bé bo i bituu, ni hisôô hi nu a ñéga bôlô,
kiki i kel ba bi yémbél Madian.+
5 Hiki kôô tamb u u nyiñgis hisi i ngéda bisônda bi nke,
ni hiki mbot i i nyoo matjél
i ga gwéélana inyu kuye hié.
Ba ga sébél nye le loñge Nti maéba,+ Nyambe nu ngui,+ Isañ nu boga, Ñane nu nsañ.
7 Mahol ma énél* yé,
yak ni nsañ bi ga bana bé lisuk+
mu ngii yééne ane i David+ ni i ane yé;
mbagi i téé sép+ ni telepsép+ bi ga boñ le
i telep siñ siñ,+ bi ga nit ki yo,
ibôdôl nano ikepam i boga ni boga.
Ibabé pééna, Yéhôva nu mintôñ mi gwét a ga boñ i jam li.
8 Yéhôva a ñom nwin le a nkogse Yakôb;
i nwin u, u mpam i Israel.+
9 Bôt ba litén bobasôna ba ga nok wo,
hala wee Éfraim ni bôt ba nyééne i Samaria,
ba ba mpot ni lipamal ni ñem ngôk le:
10 “Brik bi mal kwo,
ndi bés d’a oñ ni minkôñgôk mi ngok,+
ba mal kit bie bi sikômôr,
ndi bés d’a gwélél* bie bi sidar.”
11 Yéhôva a ga boñ le bakolba ba Rézin ba jôs nye,*
a ga tinde ki baoo ba Israel le ba telbene nye,
12 bôt ba Siria ba ga lôl i pes likôl, bôt ba Filistia ba ga lôl i pes hiôñg,*+
ba ga nahal manyo, ba je Israel.+
Inyu ndok yap, hiun hié hi nsôs bé,
ndi woo wé u ngi yii nsamblak inyu bép.+
13 Ndi litén li bi témb bé yak Nu a mbép bo;
ba bi yéñ bé to Yéhôva nu mintôñ mi gwét.+
15 Mañ mut ni mut nu a gwé lipém bon ba yé ño,
mpôdôl nu a niiga bitembee nyen a yé nwel.+
16 Baéga ba litén lini ba mboñ le li nimil,
yak i bôt ba yé isi énél yap ba yé nyômôk.
17 Inyu hala nyen Yéhôva a ga kon bé maséé ni boñge bap ba wanda,
a ga kônôl bé bon bap ba nyuu* ni biyik gwap bi bôda ngoo,
inyule bobasôna ba nyan Nyambe,* ba boñok mam mabe,+
hiki mut a mpot ndigi bijôñ bi mam.
Inyu ndok yap, hiun hié hi nsôs bé,
ndi woo wé u ngi yii nsamblak inyu bép.+
18 Inyule béba i nloñ kiki hié,
i nligis bie bi biloo ni bikai.
I nligis yak mapan,
hiida hi ntu, hi bedek i ngii kiki ond.
19 Hiun hi Yéhôva nu mintôñ mi gwét hi mboñ le
loñ i yoñ hié,
bôt ba ga yila wengoñle tjéé di di nlôñôs hié.
Mut to wada a ga nwas bé le manyañ a pei.
20 Mut a ga kit yom i yé i pes walôm,
ndi njal i mba i ngi gwé nye;
mut a ga je i pes waé
ndi a ga nuu bé.
Hiki mut a ga je nsôn u woo wé,
21 Manasé a ga je Éfraim,
Éfraim a je Manasé.
Bo iba ba ga adba, ba jôs Yuda.+
Inyu ndok yap, hiun hié hi nsôs bé,
ndi woo wé u ngi yii nsamblak inyu bép.+