Ñañga bôt
24 I ngéda Balam a bi tehe le i yé loñge i mis ma Yéhôva le a sayap Israel, a bi yéñ ha bé boñ makañ+ ndi a bi hiel su, a nun ñoñ. 2 I ngéda Balam a bi pa mis, a tehe le matén+ ma Israel ma ôñi ikété oda,* mbuu u Nyambe u lo i ngii yé.+ 3 Ha nyen, a bi pot bibañga+ bini le:
“Lipôdôl li Balam man Béôr,
lipôdôl li mut nu mis ma bi yiblana,
4 lipôdôl li mut nu a nok bibañga bi Nyambe,
nu a ntehe yiinda i Nu ngui yosôna,
nu a ñôôp mis ma bak nye nyiblak:+
5 A Yakôb, kinje mandap moñ ma mabadô ma yé malam,
yak bilap gwoñ a Israel!+
6 Kiki minsôsôgô,* bi nyoñ homa nkeñi,+
kiki nwom mi mbônji i mbaa lom,
kiki alôé* le Yéhôva a mbel,
kiki bie bi sidar bi bi yé ipañ malép.
7 Mu minlôñga nwé ima mi mi yé bañak ni bikoo bi nuga, malép ma nlôl ndi ma kulak,
8 Nyambe a nyodna nye i Égiptô;
a yé kiki bitoñ bi nlôm nyaga bikai inyu yap.
A ga tjé biloñ bi bi ntééñga+ nye,
a ga koñ bihés gwap, a nol bo lôñni makoñ mé.
9 A nañal, a bôdôp kiki mbondo njéé,
ndi njee a nla noode boñ le mbondo njéé i telep?
I bôt ba nsayap we, ba yé nsaibak,
yak bôt ba ntiihe we, ba yé ntiihege.”+
10 I mbus, Balak a unbene Balam ngandak. Balak a bamb moo ni diyana, a kal Balam le: “Me bi sébél we le u tiihe+ baoo bem, ndi we u nlo u sayap bo ngélé aa. 11 Nano, pala huu i mbai yoñ. Me sômblak ti we ngandak lipém,+ ndi Yéhôva a neebe bé.”
12 Balam a timbhe Balak le: “Baa me bi kal bé balegelnwin u bi ômle me le: 13 ‘To ibale Balak a nyônôs ndap yé lôñni silba ni gôl, ndi a nti me yo, me ta bé le me bôk mbén Yéhôva, le me boñ jam jo ki jo ni sômbôl yem* memede, to lilam to libe. M’a pot ndigi i jam Yéhôva a ga kal me’?+ 14 Nano me yé témb i loñ yem. Loo me kal we i jam litén lini li ga boñ loñ yoñ i dilo di nlo.”* 15 Ha nyen a bi pot bibañga+ le:
“Lipôdôl li Balam man Béôr,
lipôdôl li mut nu mis ma bi yiblana,+
16 lipôdôl li mut nu a nok bibañga bi Nyambe,
nu a gwé yi i Nungingii,
a bi tehe yak yiinda i Nu ngui yosôna,
i ngéda a ñôôp mis ma bak nye nyiblak:
17 M’a tehe nye, ndi nano bé;
m’a nun nye, ndi hanano bé.
19 Mut a nlôl i Yakôb a ga yémbél,+
a ga tjé nu ni nu a mpei tjiba i tison.”
20 Kiki a ntehe Amalek, a kônde kal bibañga bini le:
21 Kiki a ntehe Lôk Ken,+ a kônde kal le:
“Liyééne joñ li umi siñ, mbai yoñ i ôñi i ngii liaa.
22 Ndi mut a ga ligis Kain.
Letee ni ngéda mbe ilole Asiria a nkena we mimkôm?”
23 A kônde kal bibañga bini le:
“Wee! Njee a ga pei i ngéda Nyambe a ga boñ i jam lini?
Ndi yak nyemede a ga tjiba hies.”
25 I mbus Balam+ a huu i mbai yé. Yak Balak a yoñ yé njel.