Yérémia
46 Haana nyen Yéhôva a bi kal mpôdôl Yérémia inyu biloñ:+ 2 inyu Égiptô,+ i nwin unu u mbéñge ntôñ gwét u Faraô Nékô,+ kiñe Égiptô, nu a bé yééne bebee ni lom Ufraté, nyen Nébukadnézar,* kiñe Babilôn a bi yémbél gwét i Karkémis, i nwii mi nyônôs mina mi ane i Yéhôyakim+ man Yôsia, kiñe Yuda:
3 “Kôôbana biben bititigi* ni biben bikeñi,
kena i jo gwét!
4 Kôôbana bihosi, ni luk gwo.
Telbana i jo gwét, ni haba bikôñgô binan.
Hôla makoñ, ni haba bikôti bi bikei.
5 ‘Me ntehe bo ba nkon woñi. Kii i ntagbe?
Ba yé i so gwét, bisônda gwap bi yé i wo.
Woñi u nkiha bo ngwéé, bisônda gwap bi nun bé to mbus.
Woñi u nai,’ hala nyen Yéhôva a mpot.
6 ‘Yak i bôt ba nhoo ngwéé ba nla bé so, to bisônda gwap bi nla bé ke ngwéé.
Ba mbômda, ba kwok+
i pes ñombok, i ngwañ lom Ufraté.’
7 Njee nu a mbet kiki lom Nil,
kiki malép ma balom ba ba ñunup?
8 Égiptô nu nyen a mbet kiki lom Nil,+
kiki malép ma balom ba ba ñunup,
a nkal ki le: ‘Me ga hôl, me mil hisi.
Me ga tjé tison, yak ni bôt ba nyééne mukété.’
9 Bihosi bi bedek!
Bikak bi kenek ngwéé u njék!
Bisônda bi bôgôk i bisu,
yak bôlôm ba Kus ni bôlôm ba Put, ba ba ngwélél biben,+
10 “I hilo hi, hi yé hilo hi Nwet Bayemlikok, Yéhôva nu mintôñ mi gwét, hilo hi mapuna inyu kogse baoo bé. Pansoñ i ga je, i nuu, i nyo matjél kayéle nyus yé i mal, inyule Nwet Bayemlikok, Yéhôva nu mintôñ mi gwét, a gwé sesema* i loñ i i yé i pes ñombok, bebee ni lom Ufraté.+
11 Bet i Giléad, ke yoñ binunumba,+
a ngond ngi yi munlôm i Égiptô.
Yañga nyen u mbulus bee gwoñ,
inyule u ta bé le u mbôôp.+
12 Biloñ bi nyi wonyuu u bi kôhna,+
minlondok nwoñ mi nôga ni loñ yosôna.
Inyule njogwét wada a mbômla njogwét numpe,
bo iba ba kwoo ntôñ.”
13 Haana nyen Yéhôva a bi kal mpôdôl Yérémia inyu malo ma Nébukadnézar,* kiñe Babilôn, nu a ga yémbél loñ Égiptô:+
14 “Añlana i jam li i Égiptô, leglana jo i Migdol.+
Leglana jo i Nof* ni i Tapanés.+
Kala le: ‘Telbana inyu jo gwét, kôôbana ki,
inyule pansoñ i ga lo i je gwom gwobisôna bi yé bé ipañ.
15 Inyuki bôt banan ba ngui ba ta ha bé?
Ba bi la bé telep inyu jo gwét,
inyule Yéhôva a bi bes bo ’isi.
16 Ngandak yap i mbômda, i kwok.
Ba kalnaga le:
“Di telbak! Di témbék i loñ yés ni i loñ di bi lôl,
inyule gwét bi nai.”’
17 Ba bi legel nyoo le:
18 ‘Me nkum soñ ni niñ yem,’ hala nyen Kiñe, nu jôl jé le Yéhôva nu mintôñ mi gwét, a mpot:
19 Kôôba mambegee moñ inyu ke i minkôm,
a ngond i i nyééne i Égiptô.
20 Égiptô a yé kiki ñin nyaga u u yé nlam,
ndi banjemje ba ba nkoogana ba ga lôl i pes ñombok, inyu jôs nye.
21 Bisônda a nsaa inyu jo gwét bi yé kiki bon ba nyaga ba ba gwé mahoñ,
ndi yak gwo bi ntémb ni mbus, gwobisôna bi nke ngwéé.
22 ‘Kiñ yé i nôga kiki nyoo le i nso,
inyule ngandak bôt i noñ nye, i bak i gwé minkuleñ,*
kiki bôt ba ba nke i kek bie.*
23 Ba ga bôk lipan jé,’ hala nyen Yéhôva a mpot, ‘to ibale li mpôna lipan le mut a nla bé jôp.
Inyule ba yé ngandak iloo bitandi, mut a nla bé soñgol bo.
24 Ngond Égiptô i ga wo nyuu.
I ga kwo i moo ma litén li li nlôl i pes ñombok.’+
25 “Yéhôva nu mintôñ mi gwét, Nyambe nu Israel a nkal le: ‘Nano, me ga yoñ ngéda ni Amôn,+ nyambe nu Nô,*+ ni Égiptô, ni banyambe bé,+ yak ni bikiñe gwé; ñ, m’a yoñ ngéda ni Faraô lôñni bôt bobasôna ba mbôdôl nye ñem.’+
26 “‘M’a sem bo i moo ma bôt ba nyéñ nol bo,* i moo ma Nébukadnézar,* kiñe Babilôn,+ lôñni bagwélél bé. Ndi i mbus ngéda, bôt ba ntémb ba yééne mu kiki i ngéda bisu,’ hala nyen Yéhôva+ a mpot.
27 ‘Ndi we, a ngwélél wem Yakôb, u kon bañ woñi,
u sehla bañ a Israel.+
Yakôb a ga témb, a yén ki nwee, ikété nsañ,
ibabé le mut nye ki nye a kônha bo woñi.+
28 Jon, u kon bañ woñi, a ngwélél wem Yakôb,’ hala nyen Yéhôva a mpot, ‘inyule me yé lôñni we.