Yôsua
14 I minkoñ mini nwon bon ba Israel ba bi kôhna kiki ngababum i loñ Kanaan. Prisi le Éléazar, ni man Nun le Yôsua, lôñni baéga ba mandap ma bikôkôa ma matén ma Israel ba bi yoñ i minkoñ mini, ba ti nwo bon ba Israel le mi ba ngababum+ yap. 2 Inyu matén bôô ni pes,+ ba bé leñ mbam+ inyu kébha mo ngababum yap, kiki Yéhôva a bi kal Môsi. 3 Inyu mana matén ima ni pes, Môsi a bi mal ti mo yap ngababum nyoo ii pes* i Yordan,+ ndi a bi ti bé Lôk Lévi ngababum mu matén+ ma. 4 Mbôda Yôsep i bé matén+ ima: litén li Manasé ni litén li Éfraim.+ Ndi ba bi ti bé Lôk Lévi ngaba mu loñ; ba bi ti ndik bo bitison+ le ba yééne mu; ba ti ki bo disi di di nkéña bitison inyu bémba yap ni gwom+ gwap. 5 Hala nyen bon ba Israel ba bi kap loñ, kiki Yéhôva a bi kal Môsi.
6 Ha nyen bôt ba Yuda ba bi tiige bebee ni Yôsua i Gilgal.+ Kaleb,+ man Yéfuné, man Lôk Kénis, a kal+ nye le: “U nyi yaga i jam Yéhôva a bi kal Môsi, mut bañga Nyambe,+ inyu yoñ ni inyu yem i ngéda di bé i Kades-Barnéa.+ 7 Me bééna 40 ma nwii i ngéda Môsi, ngwélél Yéhôva, a bi om me i Kades-Barnéa inyu hes loñ;+ i ngéda me bi témb, me añle yaga nye mam kiki ma bi tagbe.*+ 8 To hala kiki lôk kéé yem, i i bi ke ni me, i bi boñ le litén li nimis makénd;* me, me bi noñ Yéhôva Nyambe wem ni ñem wem wonsôna.*+ 9 I kel i, Môsi a bi kumul me soñ, a kal le: ‘Hisi u bi tééne makôô, hi ga yila ngababum yoñ ni ngababum i bon boñ i boga ni boga, inyule u bi nôgôl Yéhôva Nyambe wem ni ñem woñ wonsôna.’+ 10 Hala a yé 45 nwii le Yéhôva a bi bôn+ Môsi hala, i ngéda bon ba Israel ba bé ba ngi kenek i ñoñ;+ kiki Yéhôva a bi bôn, me nunu a ntééda i niñ.+ I len ini, me gwé 85 nwii. 11 Yak len, me ngi gwé ngui kiki i kel Môsi a bi om me. Me ngi gwé ngui i len ini inyu jo gwét, ni inyu boñ mam mape kiki ha ngéda i. 12 Jon, ti me i mbok dikôa ini Yéhôva a bi bôn me i kel i. To hala kiki u bi nok i kel i le Lôk Anak+ yon i nyééne nyoo, ni le ba gwé bitison+ bi bi gwé mapénd ma ngui; ibabé pééna,* Yéhôva a’ ba ni me,+ m’a luhul ki bo,* kiki Yéhôva a bi bôn.”+
13 Ha nyen Yôsua a bi sayap Kaleb, man Yéfuné, a ti ki nye Hébrôn kiki ngababum.+ 14 Inyu hala nyen Hébrôn a ngi yii ngababum i Kaleb, man Yéfuné, man Lôk Kénis, inyule a bi nôgôl Yéhôva, Nyambe nu Israel ni ñem wé wonsôna.+ 15 Jôl li Hébrôn li bé ndugi le Kiriat-Arba+ (Arba a bé bañga mut ikété Lôk Anak). Yak bôt ba loñ ba kahal niñ ikété nsañ, ngi gwét+ gwo ki gwo.