Yôsua
19 I ngéda ba bi leñ mbam,+ Siméôn+ nyen a bi kôhna ngaba i nyônôs iba; bon ba* Siméôn, hala wee mahaa map mon ma bi kabna yo. Ngababum yap i bé ikété nkoñ u* Yuda.+ 2 Ngababum yap i bé: Béer-Séba ni+ Séba, Môlada,+ 3 Hazar-Sual,+ Bala, Ézem,+ 4 Eltôlad,+ Bétul, Hôrma, 5 Ziklag,+ Bét-Markabôt, Hazar-Susa, 6 Bét-Lébaôt+ ni Saruhen; i bitison bini gwobisôna bi bé 13, lôñni mambai ma ma nkéña gwo; 7 yak Ain, Rimôn, Éter ni Asan;+ i bitison bini gwobisôna bi bé bina, lôñni mambai map;* 8 yak mambai momasôna ma ma bé kéña i bitison bi letee ni i Baalat-Béer, tison ba nsébél ki le Rama i pes nwelmbok. I nkoñ u won ba bi ti bon ba* Siméôn le u ba ngababum yap; mahaa map mon ma bi kabna yo. 9 Ngababum i bon ba Siméôn i bi yôña mu ngaba i bon ba Yuda, inyule ngaba i bon ba Yuda i bé ikeñi ngandak inyu yap. Inyu hala nyen bon ba Siméôn ba bi kôhna disi mukété ngababum+ i bon ba Yuda.
10 I ngéda ba bi leñ mbam,+ bon ba Zébulôn+ bon ba bi kôhna ngaba i nyônôs aa; mahaa map mon ma bi kabna yo. Nwaa nkoñ wap u bé ke letee ni i Sarid. 11 Nwaa nkoñ wap u bé bet i pes hiôñg, nyoo i Maréal, u kenek letee ni i Dabéset, ikepam i nsôsôgô* u u yé i mbombom Yôknéam. 12 U bé nyodi i Sarid i pes likôl, i het hiañgaa hi mpémél, u kenek i nwaa nkoñ u Kislôt-Tabor letee ni i Dabérat,+ u bedek nyoo i Yafia. 13 U bé bôdôl nyoo, u kenek i pes likôl, i het hiañgaa hi mpémél, nyoo i Gat-Héfer+ ni i Et-Kazin, u kenek i Rimôn letee ni i Néa. 14 Nwaa nkoñ u bé hielba nyoo i pes ñombok i Hanaton, u malak i nsôsôgô u Iftahel, 15 yak Katat a bé mukété, ni Nahalal, Simrôn,+ Idala lôñni Bétléhém;+ i bitison bini gwobisôna bi bé 12, lôñni mambai ma ma nkéña gwo. 16 I nkoñ u won ba bi ti bon ba* Zébulôn le u ba ngababum yap; mahaa+ map mon ma bi kabna yo. I bitison bi gwon bi bé bitison gwap, lôñni mambai ma ma nkéña gwo.
17 I ngéda ba bi leñ mbam,+ Isakar+ nyen a bi kôhna ngaba i nyônôs ina; bon ba* Isakar, hala wee mahaa map mon ma bi kabna yo. 18 Nwaa nkoñ wap u bé ke letee ni i Yézréel,+ Késulôt, Sunem,+ 19 Hafaraim, Siôn, Anaharat, 20 Rabit, Kisiôn, Ébes, 21 Rémet, En-Ganim,+ En-Hada ni Bét-Pazes. 22 Nwaa nkoñ u bé ke ki letee ni i Tabor,+ Sahazuma ni Bét-Sémes, u malak i Yordan; i bitison bini gwobisôna bi bé 16, lôñni mambai ma ma nkéña gwo. 23 I nkoñ u won ba bi ti bon ba Isakar le u ba ngababum yap; mahaa+ map mon ma bi kabna yo. I bitison bi gwon bi bé bitison gwap, lôñni mambai ma ma nkéña gwo.
24 I ngéda ba bi leñ mbam,+ bon ba* Aser+ bon ba bi kôhna ngaba i nyônôs itan; mahaa map mon ma bi kabna yo. 25 Nwaa nkoñ wap u bé bebee ni Helkat,+ Hali, Béten, Aksaf, 26 Alamélek, Amad ni Misal. U kenek nyoo i pes hiôñg i Karmel+ ni i Sihôr-Libnat, 27 u témbék i pes likôl, nyoo i Bét-Dagôn, u kenek letee ni i Zébulôn, ni i nsôsôgô u Iftahel i pes ñombok, ikepam i Bét-Émek ni i Néiel, u pamak letee ni i Kabul i pes waé, 28 ni nyoo i Ébrôn, i Réhôb, i Hamôn ni i Kana, letee ni i Sidôn+ Nkeñi. 29 Nwaa nkoñ u bé témb i Rama, u kenek letee ni i Tir,+ tison i i gwé lipénd li ngui. Nwaa nkoñ u bé témb ki i Hôsa, u malak i tuye ikété nkoñ u Akzib, 30 yak Uma a bé mukété, ni Afek+ lôñni Réhôb;+ i bitison bini gwobisôna bi bé 22, lôñni mambai ma ma nkéña gwo. 31 I nkoñ u won ba bi ti bon ba Aser le u ba ngababum yap; mahaa+ map mon ma bi kabna yo. I bitison bi gwon bi bé bitison gwap, lôñni mambai ma ma nkéña gwo.
32 I ngéda ba bi leñ mbam,+ bon ba* Naftali bon ba bi kôhna ngaba i nyônôs isamal; mahaa map mon ma bi kabna yo. 33 Nwaa nkoñ wap u bé bôdôl i Hélef ni i e ikeñi i Zaananim,+ u kenek nyoo i Adami-Nékeb ni i Yabnéel, letee ni i Lakum; u malak i Yordan. 34 Nwaa nkoñ u bé témb i pes hiôñg, nyoo i Aznôt-Tabor; u bé nyodne ha inyu ke i Hukok, u pamak i Zébulôn i pes nwelmbok ni i Aser i pes hiôñg, letee ni i Yuda, i Yordan, i pes likôl. 35 I bitison bini gwon bi bééna mapénd ma ngui: Zidim, Zer, Hamat,+ Rakat, Kinéret, 36 Adama, Rama, Hazôr,+ 37 Kédes,+ Édréi, En-Hazôr, 38 Yirôn, Migdal-El, Hôrem, Bét-Anat ni Bét-Sémes;+ i bitison bini gwobisôna bi bé 19, lôñni mambai ma ma nkéña gwo. 39 I nkoñ u won ba bi ti bon ba Naftali le u ba ngababum yap; mahaa+ map mon ma bi kabna yo. I bitison bi gwon bi bé bitison gwap, lôñni mambai ma ma nkéña gwo.
40 I ngéda ba bi leñ mbam, bon ba* Dan+ bon ba bi kôhna ngaba i nyônôs isaambok;+ mahaa map mon ma bi kabna yo. 41 Nwaa nkoñ wap u bé bebee ni Zôra,+ Éstaôl ni Ir-Sémes, 42 Saalabin,+ Ayalôn,+ Itla, 43 Élôn, Timna,+ Ékrôn,+ 44 Eltéké, Gibéton,+ Baalat, 45 Yéhud, Bénébérak, Gat-Rimôn,+ 46 Méyarkôn ni Rakon; u tagbege i mbombom Yôpé.+ 47 Ndi nkoñ u bon ba Dan u bé isii ngandak inyu yap.+ Jon bôlôm ba litén li Dan ba bi bet i Lésem,+ ba jôs tison gwét, ba yoñ yo, ba nol ki bôt ba tison ni pansoñ. I ngéda ba bi mal yoñ yo, ba yééne mu; ba héñha ki jôl li tison Lésem, ba ti yo jôl le Dan, jôl li sôgôlsôgôl+ wap. 48 I nkoñ u won ba bi ti bon ba Dan le u ba ngababum yap; mahaa map mon ma bi kabna yo. I bitison bi gwon bi bé bitison gwap, lôñni mambai ma ma nkéña gwo.
49 Hala nyen ba bi kap loñ yosôna, ba ti hiki litén wé nkoñ le u ba ngababum yé. I mbus, bon ba Israel ba yoñ ngababum ikété loñ yap, ba ti yo Yôsua, man Nun. 50 Kiki Yéhôva a bi kal, ba ti Yôsua tison a bi bat, hala wee Timnat-Séra,+ nyoo i mbok dikôa i Éfraim; Yôsua a bi tiimba oñ tison, a yééne mu.
51 I ngéda ba bi leñ mbam i Silô+ i bisu bi Yéhôva, i lijubul li ndap libadô i likoda,+ ha nyen prisi le Éléazar, ni man Nun le Yôsua lôñni baéga ba mandap ma bikôkôa ma matén ma Israel, ba bi yoñ i minkoñ mini, ba kébha+ nwo bon ba Israel le mi ba ngababum yap. Hala nyen ba bi mal kap loñ yosôna.