Yôsua
16 Nkoñ bon ba* Yôsep+ ba bi kôhna+ i ngéda mbam i bi léña, u bé bôdôl i Yordan, bebee ni Yérikô, u kenek i pes likôl i malép ma Yérikô, u tagbege mu ñoñ, u nyodnege i Yérikô, u bedek letee ni i mbok dikôa i Bétel.+ 2 U bé nyodi ki i Bétel, nu a yé ikété Luz, u kenek letee ni Atarôt, tison i i yé i nwaa nkoñ u Lôk Arki; 3 u sôhôk ki i pes hiôñg, nyoo i nwaa nkoñ u bôt ba Yaflet, letee ni i nwaa nkoñ u Bét-Hôron+ nu a yé i makuli, ikepam i Gézer;+ i nkoñ unu u bé mélél i tuye.
4 Ha nyen bon+ ba Yôsep le Manasé bo Éfraim, ba bi yoñ nkoñ+ wap. 5 Nwaa nkoñ u bon ba* Éfraim, hala wee nkoñ mahaa map ma bi kabna, wo unu: nwaa nkoñ u ngababum yap i pes likôl u bé Atarôt-Adar,+ u kenek letee ni i Bét-Hôron+ nu a yé i mabeda; 6 u kenek letee ni i tuye. Mikmétat+ a bé i pes ñombok, ndi nwaa nkoñ wap u bé hielba i pes likôl, nyoo i Taanat-Silô, u tagbege i pes likôl i Yanôa. 7 I mbus, u bé nyodi i Yanôa, u sôhôk i Atarôt ni Naara, u pamak i Yérikô,+ u kenek letee ni i Yordan. 8 Nwaa nkoñ wap u bé nyodi i Tapua,+ u kenek letee ni i pes hiôñg, nyoo i hiléléba hi Kana, u malak i tuye.+ Hala a yé ngababum i bon ba Éfraim; mahaa map mon ma bi kabna yo. 9 Bon ba Éfraim ba bééna bitison bipe mu minkoñ ba bi ti bon ba* Manasé+ le mi ba ngababum yap, ni mambai ma ma nkéña gwo.
10 Ndi ba bi luhul bé Lôk Kanaan i i bé yééne i Gézer;+ letee ni len, Lôk Kanaan+ i ngi yéénege ipôla bon ba Éfraim, ndi ba bi yilha bo minkol.*+