Yôsua
17 I mbus, litén li Manasé,+ man Yôsep nu bisu, li kôhna nkoñ wap+ i ngéda mbam i bi léña. Kiki Makir,+ man Manasé nu bisu,+ isañ Giléad, a bé mut gwét, jon a bi kôhna Giléad ni Basan.+ 2 Inyu bana bon ba Manasé bape, ba bi leñ mbam inyu ti hiki wada wap nkoñ; i mahaa map mana mon ma bi kabna nkoñ: bon ba Abiézer,+ bon ba Hélek, bon ba Asriel, bon ba Sikem, bon ba Héfer ni bon ba Sémida. Bon ba bé bon bôlôm mu mbôda Manasé, man Yôsep, inoñnaga ni bilôk gwap.+ 3 Ndi Zélôféhad,+ man Héfer, man Giléad, man Makir, man Manasé, a bi bana bé bon bôlôm, a bi bana ndik bon bôda; môl ma bingond gwé mana: Mala, Nôa, Hôgla, Milka ni Tirsa. 4 Jon ba bi lo yak prisi Éléazar,+ yak Yôsua man Nun, ni yak baane ba litén, ba kal le: “Yéhôva a bi ti Môsi oda le a ti bés ngababum kiki a bi ti lôk kéé+ yés.”* Inyu hala nyen ba bi kôhna ngababum kiki lôkisañ+ yap, inoñnaga ni oda Yéhôva a bi ti.
5 Handugi nkoñ u Giléad ni u Basan, bon ba* Manasé ba bi kôhna ki 10 li minkoñ, mi mi yé ii pes* i Yordan,+ 6 inyule bingond bi* Manasé bi bi kôhna ngababum kiki bon bôlôm ba* Manasé; ha nyen nkoñ u Giléad u bi yila ngababum i bana bon bôlôm ba Manasé bape.
7 Nwaa nkoñ u Manasé u bé bôdôl i Aser, u kenek i Mikmétat,+ tison i i yé i mbombom Sikem,+ u kenek ki i pes nwelmbok* letee ni nyoo i nkoñ u bôt ba nyééne i En-Tapua. 8 Nkoñ u Tapua+ u bi yila ngababum i Manasé, ndi tison i Tapua i i yé i nwaa nkoñ u Manasé, i bé tison i bon ba* Éfraim. 9 Nwaa nkoñ u bé sôs letee ni i hiléléba hi Kana, i pes yé nwelmbok. Bitison bipe bi Éfraim bi bé mukété nkoñ u Manasé;+ nwaa nkoñ u Manasé u bé ki i pes ñombok u nsôsôgô, u malak i tuye.+ 10 Pes nwelmbok i bé i Éfraim, ndi pes ñombok i bak i Manasé; tuye nyen a bé nwaa nkoñ+ u Manasé. I pes ñombok, nkoñ u Manasé u* bé pam i nkoñ u Aser; i pes likôl, u pamak i nkoñ u Isakar.
11 I disi dini tjon Manasé a bi kôhna mukété minkoñ mi Isakar ni mi Aser: Bét-Séan ni minkoñ nwé,* lbléam+ ni minkoñ nwé, Dôr+ ni i bôt ba nyééne mu lôñni minkoñ nwé, Endôr+ ni i bôt ba nyééne mu lôñni minkoñ nwé, Taanak+ ni i bôt ba nyééne mu lôñni minkoñ nwé, Mégidô ni i bôt ba nyééne mu lôñni minkoñ nwé; minkoñ maa mi mi yé i bahoma ba nyôgi.
12 Ndi bon ba Manasé ba bi la bé yoñ i bitison bi; Lôk Kanaan i bi nai ndik le ba nyééne mu nkoñ+ u. 13 I ngéda bon ba Israel ba bi bana ngui, ba bi luhul bé* bon ba Kanaan bobasôna,+ ndi ba bi yilha bo minkol.*+
14 Bon ba Yôsep ba bat Yôsua le: “Ngo di yé ngandak inyule Yéhôva a ngi saibak bés letee ni len.+ Inyuki i ngéda mbam i bi léña, u bi ti ndik bés* nkoñ wada+ le u ba ngababum yés?” 15 Yôsua a timbhe bo le: “Ibale ni yé ngandak hala, beda nyoo i lipan, ni é homa wada mu nkoñ u Lôk Péris+ ni u Lôk Réfaim+ le a ba homa nan, hala kiki ni mpak mu mbok dikôa i Éfraim.”+ 16 Ha nyen bon ba Yôsep ba bi kal nye le: “Mbok dikôa i nkola bé bés, yak Lôk Kanaan yosôna i i nyééne mu nkoñ u, u yé nyoo i nsôsôgô,* ba gwé bikak bi gwét+ bi bi gwé bakwade ba nhoo mu makôô map,* nlélém jam ni i bôt ba nyééne i Bét-Séan+ ni i minkoñ nwé,* yak ni i bôt ba nyééne nyoo i nsôsôgô* u Yézréel.”+ 17 Jon Yôsua a bi kal bon ba Yôsep, hala wee litén li Éfraim ni litén li Manasé, le: “Ni yé ngandak, ni ban-ga ki ngui ngandak. Ni ga kôhna ndik bé nkoñ wada i ngéda mbam i ga léña,+ 18 ndi yak mbok dikôa i ga ba nkoñ nan.+ I yé maliga le, mbok dikôa i yé lipan, ndi ni ga é yo, i ba ki lisuk li nkoñ nan. Ñ, ni ga luhul Lôk Kanaan, to hala kiki ba gwé ngui, ba ban-ga ki bikak bi gwét bi bi gwé bakwade ba nhoo mu makôô map.”*+