Manyodi
15 Ha ngéda i nyen Môsi ni bon ba Israel ba bi tubul Yéhôva+ i hiémbi hini:
“Me tubul Yéhôva hiémbi, inyule a nkôhna lipém li mbuma ñañ.+
A nleñ hosi ni mut a bak a yii yo i ngii, i tuye.+
2 Yéhôva* a yé ngui yem ni lipémba jem, inyule a nyila ntohol+ wem.
A yé Nyambe wem, m’a bégés nye;+ Nyambe nu tata wem,+ m’a añal nye.+
3 Yéhôva a yé njogwét nunkeñi.+ Jôl+ jé le Yéhôva.
4 A bi leñ bikak bi gwét ni ntôñ gwét u Faraô i tuye,+
yak bajogwét bé ba ngui ba nyin i tuye Nkôibaga.+
5 Mangudga makeñi ma bi hô bo; ba yin ikétékété malép kiki ngok.+
6 A Yéhôva, woo woñ walôm u yôni ni ngui ikeñi;+
a Yéhôva, woo woñ walôm u nla nyugut ñoo.
7 Ni bikeñi bi lipémba joñ, u nla kwés bôt ba nkolba we ’isi;+
u ñom hiun hioñ hikeñi, hi ligis bo kiki minumuk mi bikai.
8 Ni nhébék u u nlôl i mben yoñ môl, malép ma nkodba homa wada;
malép ma ntelep, ma nkuli bé;
mangudga makeñi ma ntelep i ñemkété tuye.
9 Ñoo a bé kal le: ‘M’a noñ bo! Me gwel bo!
Me yoñ ki nkus* wap letee me* nuu!
M’a sodol pansoñ yem! Woo wem w’a ane bo!’+
10 U bi hue mbebi yoñ, tuye a hô bo;+
ba bi yin ikété mangudga makeñi kiki lipidô.
11 Njee ikété banyambe a yé kiki we, a Yéhôva?+
Njee a mpôna we inyu libak joñ lipubi+ li li nlôôha?
Wen ba nlama kon woñi, ba tublak we tjémbi di bibégés, wen u mboñ bihélha bi mam.+
12 U bi sambal woo woñ walôm, hisi hi mil bo tjwat.+
13 Ni loñge yoñ ñem,* u bi éga litén u bi kobol.+
Ni ngui yoñ, u ga éga bo letee ni i liyééne joñ lipubhaga.
I bôt bobasôna ba nyééne i Kanaan b’a nimis makénd map.+
16 Woñi ni sehla bi ga kwél bo.+
Inyu ngui i woo woñ, kiki ngok, b’a nyiñgha bé,
letee litén joñ li tagbe, a Yéhôva,
17 U ga kena bo, u bel bo i hikôa hi ngababum+ yoñ,
mpohlak homa u bi kôôba le u nyén mu, a Yéhôva,
homa mpubhaga moo moñ ma bi mal téé, a Yéhôva.
18 Yéhôva a’ ba kiñe i boga ni boga.+
19 I ngéda bihosi bi Faraô, ni bikak gwé bi gwét lôñni bakilhosi ba bi jôp i tuye,+
ha nyen Yéhôva a bi boñ le tuye a hô bo,+
ndi litén li Israel li bé kil mu nnumuk ’isi i ñemkété tuye.”+
20 I mbus, mpôdôl nu muda le Miriam, manyañ muda nu Arôn, a yoñ hingoma i woo wé, yak bôda bobasôna ba noñ nye, ba kôdôk dingoma, ba sagak. 21 Miriam a timbhe bôlôm, a tôbôk le:
“Tublana Yéhôva hiémbi, inyule a nkôhna lipém li mbuma ñañ.+
A nleñ hosi ni mut a bak a yii yo i ngii, i tuye.”+
22 I mbus, Môsi a éga bon ba Israel, a nyodna bo i tuye Nkôibaga, ba ke i ñoñ Sur. Ba bi ke liké li dilo daa i ñoñ, ndi ba léba bé malép. 23 Ba pam i Mara,*+ ndi ba la bé nyo malép ma Mara inyule ma bé lol. Inyu hala nyen ba bi sébél i homa nu le Mara. 24 Jon litén li bi bôdôl huñbene Môsi,+ li kalak le: “D’a nyo kii?” 25 Kiki Môsi a bi lôndôl Yéhôva,+ Yéhôva a unda nye e yada. I ngéda a bi leñ yo ikété malép, malép ma yila malam.
Nyoo nyen Nyambe a bi ti bo litiñ, a kal bo i jam li yé le li kena bo i bikééhene, nyoo ki nyen a bi noode+ bo. 26 A kal le: “Ibale u ntibil nôgôl kiñ Yéhôva Nyambe woñ, u boñ mam ma téé i mis mé, u nôgôl yak mambén mé, u tééda ki matiñ+ mé, wee makon me bi leñ bôt ba Égiptô,+ m’a leñ bé we mo, inyule me, Yéhôva, men me mélés makon moñ.”+
27 I mbus, ba pam i Élim, i het 12 mangen ma malép ma bééne, ni 70 ma maén. Ba yééne ha, bebee ni malép.