Tjémbi

107 Tina Yéhôva mayéga inyule a yé loñge;+

loñge yé ñem* i nom i boga ni boga.+

 2 I bôt Yéhôva a bi kobol* ba podok hala,

ba a bi kobol i moo ma* nkolba,+

 3 ba a bi kot, ba lôlak i biloñ,+

i pes likôl ni i pes hiôñg,*

i pes ñombok ni i pes nwelmbok.+

 4 Ba bé ndeñg mu ñoñ, i homa bôt ba nyééne bé;

ba bi léba bé tison,* i het ba bé le ba yééne.

 5 Njal i bi gwel bo, yak nyus i gwel bo;

ba bé le ba kwo lihiô inyu ngandak waa.

 6 Ba bi lôndôl Yéhôva ikété ndutu;+

Nyambe a sôñ bo mu njiiha+ yap.

 7 A bi boñ le ba kil i loñge njel,+

le ba pam i tison, i het ba nla yééne.+

 8 Bôt ba béghak Yéhôva+ inyu loñge yé ñem*

ni inyu minson mi hélha a mbôñôl bon ba bôt.+

 9 Inyule i mut nyus i bi gwel, a bi ti nye malép,

yak i mut njal i bi gwel, a bi nuus nye ni gwom bilam.+

10 Bahogi ba bé yééne i jiibe likeñi,

ba bé bôt ba mok ba ba nok ndutu, ba bak nkañak ni minsañ mi bikei.

11 Inyule ba bi tjél noñ bañga i Nyambe;

ba yan maéba ma Nungingii.+

12 Jon a bi nwas le mandutu+ ma kwél bo inyu suhus bo,

ba bi baage, ba kwo, ndi ba bééna bé nhôla.

13 Ba bi lôndôl Yéhôva ikété ndutu;

Nyambe a sôñ bo mu njiiha yap.

14 A bi pémés bo mu jiibe likeñi,

a pat yak minsañ+ nwap.

15 Bôt ba béghak Yéhôva inyu loñge yé ñem*+

ni inyu minson mi hélha a mbôñôl bon ba bôt.

16 Inyule a bi bôk makôga ma mamuna,

a bôk ki bihimbil bi bikei.*+

17 Ba bé bijôñ bi bôt, ba nogok njôghe+ kiyaga

inyu maboñok map mabe ni dihôha+ tjap.

18 Bijek gwo ki gwo bi bé kon ha bé bo ngôñ;

ba bé bebee ni wo.*

19 Ba bi lôndôl Yéhôva ikété ndutu;

Nyambe a sôñ bo mu njiiha yap.

20 A bé a ti oda,* a mélés+ makon map,

a sôñ ki bo le ba wo bañ.*

21 Bôt ba béghak Yéhôva inyu loñge yé ñem*

ni inyu minson mi hélha a mbôñôl bon ba bôt.

22 Ba sémél nye bisesema inyu ti nye mayéga,+

ba añal ki minson nwé, ba leñek diléla.

23 I bôt ba nyap tuye ikété bisitima,

ba ba nsal bôlô yap i ngii ngandak malép,+

24 ba bi tehe minson mi Yéhôva,

ba tehe ki mam malam a bi hek ikété tuye.+

25 I ngéda Nyambe a nti oda, ba ntehe lelaa mbuk mbebi a mpaaba,+

a bédés mangudga ma tuye.

26 Mangudga ma mpa bo i ngii;

ma sôs letee ni ndip.

27 Ba nke ba ndiñg, ba tômndege kiki mut a nhiôô,

yak makeñge map i luk bisitima ma nhôla bé to yom.+

28 Ha nyen ba nlôndôl Yéhôva ikété ndutu;+

Nyambe a sôñ bo mu njiiha yap.

29 A mômôs mbuk mbebi;

mangudga ma tuye ma mom nwee.+

30 Ba nkon maséé i ngéda bi mom nwee,

Nyambe a éga ki bo letee ni i libôñ, i het ba nsômbôl ke.

31 Bôt ba béghak Yéhôva inyu loñge yé ñem*

ni inyu minson mi hélha a mbôñôl bon ba bôt.+

32 Bôt ba ti nye lipém i homa litén+ li nkodba,

ba ti ki nye bibégés i homa mimañ mi bôt mi mbomna.*

33 A mboñ le balom ba yila ñoñ,

a boñ yak le mangen ma malép ma yila nnumuk ’isi,+

34 a boñ ki le hisi hi hi nha bijek, hi yila hisi hi bas+

inyule i bôt ba nyééne mu ba mboñ mam mabe.

35 A mboñ le ñoñ u yila bititimba bi bi yé nyonok ni makai,

a boñ ki le nnumuk ’isi u yila mangen ma malép.+

36 A mboñ le i bôt njal i gwé ba yééne nyoo,+

le ndi ba oñ tison i het ba ga yééne.+

37 Ba nsal nwom, ba belek ki minkôô mi wai+

mi mi num ngandak matam.+

38 A nsayap bo, ba bôl ki ngandak;

a nwas bé le nsoñgi u bilém gwap u sôs.+

39 Ndi nsoñgi wap u ntémb u sôs, ba wo ki nyuu,

inyu ndééñga, ni bikuu, ni mandutu ma ma nkwél bo.

40 Nyambe a nwéha mintôô mi bôt nyuu,

a boñ ki le ba yôm nyoo i ñoñ, i het manjel ma ta bé.+

41 Ndi a nsôñ* diyeyeba i moo ma bôt ba ntééñga+ bo,

a boñ ki le mahaa map ma bôl kiki bilém bi bémba.

42 Bôt ba téé sép ba ntehe hala, ba kon maséé;+

ndi i bôt bobasôna ba mboñ mam ma téé bé sép, ba nyip manyo+ map.

43 Nu ni nu a gwé pék a’ béñge i mam+ mana,

a ôt ki mahoñol mu mam Yéhôva a mboñ ni loñgeñem.*+