Hiôb
15 Élifas,+ man Lôk Téman, a timbhe le:
2 “Baa mut pék a’ pot bipopoda* inyu timbhe?
Yak ñem wé, baa a’ yônôs wo ni mahoñol mabe?*
3 Hala a nhôla bé to jam ibale a nkodol bôt ni bibuk bi bi yé yañga,
hala a ta bé to nseñ ibale a mpot bipôdôl bi bi gwé bé mahee.
4 Inyule u mboñ le bôt bape ba kon ha bañ Nyambe woñi,
u ntinde ki bôt bape le ba hoñol ha bañ Nyambe.
5 Inyule béba yoñ yon i ntinde we i pot hala,*
u mpohol ki bipôdôl bi bôt ba mandon.
6 Me bé nyen me nkwés we nkaa, ndi nyo woñ won u nkwés we nkaa;
bibép gwoñ gwon bi mbôgôl we mbôgi ibe.+
7 Baa wen u yé mut bisu i gwéé?
Tole wen u bi bôk gwéé ilole dikôa di nhéga?
8 Baa u nok mimb ma Nyambe?
Tole u nhoñol le wetama nyen u gwé pék?
9 Kii u nyi le bés di nyi bé?+
Kii u nok le bés di nok bé?
10 Bôt ba miño mi mbu ni mimañ mi bôt ba yé ipôla yés,+
bôt ba ba nloo isoñ bimañ huum.
11 Baa hogbe Nyambe a nti we i nkola bé we?
Yak i ngéda ba mpôdôs we ni bibuk bilam, baa hala a nkola bé we?
12 Inyuki ñem woñ u mbémbe we?
Inyuki yak mis moñ ma nloñ ni hiun?
13 Inyule Nyambe nyemede nyen u ñunbene,
inyu hala nyen u nwas ki le i nya bibañga i, i pémél mu nyo woñ.
14 Mut binam a yé kii le a ba mpubi?
Tole mut binam, nu muda a ngwal, a yé kii le a ba mut a téé sép?+
16 Bôô ni ngélé yañen ni mut nu a yé nyega, a bak mut malôga,+
mut nu a nyo ngitelepsép kiki malép!
17 M’a kal we jam; emble me!
M’a añle we i mam me bi tehe,
18 i mam ma mon bôt ba pék ba bi pot, ma basañ bap ba bi kal bo,+
ndi ba bi sôô bé mo.
19 Botama bon ba bi yén mu loñ ba bi ti bo,
nkén mut to wada a bi tagbene bé i boni.
20 Béba mut i nson njonok niñ yé yosôna,
ñ, i mut a ntét bape a’ nok njôghe mu nwii nwominsôna mi mbem nye.
21 Maôô mé ma nok liyôgbe li mam ma nkônha nye woñi;+
mintonba mi nleñ nye gwét i ngéda nsañ.
23 A mbet, a sôhôk inyu yéñ bijek,* ndi bi yé hee?
A nyi toi le hilo hi bikuu* hi yé bebee.
24 Njiiha ni nduña bi mboñ le ñem u bôô nye matjél,
bi nkép nye mbai kiki kiñe i i yé bebee i leñ gwét.
25 Inyule a mpa woo i kolba Nyambe nyemede,
a nyéñ ki bédél* Nu ngui yosôna;
26 kiki a gwé ño mbe, a nyoñ soso ben yé ngui*
inyu leñ Nyambe gwét;
27 su wé u mpop,
yak tjeñ di mpam nye;*
28 Jon, a nyééne i bitison bi bi ga tjiba,
i mandap i het mut nye ki nye a’ yén bé,
ma ma ga yila nwind mi ngok.
29 A ga ba bé ngwañ, nkus wé u ga bôl bé,
to gwom gwé bi ga tjama bé mu loñ.
31 A nlama bé yôm, a nlama bé to bôdôl gwañga bi mam ñem,
inyule nsaa a ga kôhna ibale a mboñ hala, u ga ba ndik yañga;
32 i jam li, li ga pémél nye ndék ngéda,
to mintjep nwé mi ga too bé kekikel.+
33 A yé kiki nkôô wai u u nkwés bisua gwé bi matam,
ni kiki e ôlivé i i nimis bisem gwé.