Hiôb
16 Hiôb a timbhe, a kal le:
2 “Me ma nok ngandak mam kiki mana.
Bébobasôna ni yé bahôgbaha ñem ba ba nkéba mbai!+
3 Baa bipopoda* bi ga mal?
Kii i ntinde we* i timbhe hala?
4 Yak me, me bak le me pot kiki bé.
6 Ibale me mpot, njôghe yem i nsôs bé,+
ndi to ibale me mpot ha bé, baa njôghe yem i nhoi?
8 A* bi gwel yak me, bôt bape ba tehe hala,
me nkôt ki ngandak kayéle bôt ba nhoñol le men me gwé njom.
9 Hiun hié hi bi pat me bipes bipes, a ñoo me.+
A njél me masoñ.
Ñoo wem a nun me ni mis mabe.+
10 Bôt ba bi nahal manyo map inyu ndegle me,+
ba bép ki me mabai, ba yanak me;
ba kodba bo ngandak inyu kolba me.+
11 Nyambe a nsem me i moo ma boñge bôlôm,
a nleñ ki me i moo ma bibéba bi bôt.+
12 Me bé nwee, ndi a nyagat me;+
a bi gwel me i mbus joo, a kahal kok me;
me ki nyen a nyéñ leñ mpihlôñgô.
13 Baleñ mimpihlôñgô bé ba nkéña me;+
a ntôp ditam+ tjem, a nkônôl bé to me ngoo;
a mboñ le njôñlô yem i sôbi ’isi.
14 A nyilha me kiki libap, i het a ntôp mapondo, tôp ni tôp;
a nkwél me i nyuu kiki njogwét.
16 Su wem u nkôyôp inyu ngandak maéya,+
yak mis mem* ma nkôp yaga jiibe,*
17 to hala kiki moo mem ma njo bé sañ yo ki yo,
yak soohe, me nsoohe ni ñem maliga.
18 A hisi, u hô bañ matjél+ mem!
To nlondok wem u bana bañ homa linôyôi!
19 To nano yaga, mut wem mbôgi a yé i ngii;
nu a nla bôgôl me mbôgi a yéne i bahoma ba nyôgi.
21 Ba bagal nkaa ipôla mut ni Nyambe,
kiki ba mbagal nkaa ipôla bôt iba.+
22 Inyule ndék nwii ndik yon i ngi yii me;
i mbus, m’a yoñ njel i nke i homa matémb ma ta bé.+