Hiôb
19 Hiôb a timbhe le:
4 Ibale me mboñ toi jam libe,
wee hihôha hiem hi mbéñge ndik metama.
5 Ibale ni ntéñbe i bédél me,
ni kadbaga le me kôli kôhna wonyuu inyu mandutu mem,
6 yina ni le Nyambe nyen a mboñ le i mam ma momasôna ma pémél me,
a ngwel ki me mu mbunja yé.
7 Nuna-ki! Me nwaa bé lond le: ‘Ba mboñ me béba!’ Ndi mut to wada a ntimbhe bé me;+
8 A nkéñ njel yem ni libap li ngok, kayéle me nla bé tagbe;
a nhô manjel mem ni jiibe.+
9 A nyoñ lipém jem,
a nhéya ki ntut i ño wem.
10 Kiki ndap, a mbôk me bipes gwobisôna letee me wo;
kiki e le ba nup, a nup yak botñem yem.
11 A bi kalna me ni hiun hié,
a nyoñ ki me kiki ñoo+ wé.
12 Mintôñ nwé mi gwét mi nlo lôñ yada, mi nkéña ki me,
mi nyééne ki mu mapañ momasôna ma ndap yem libadô.
13 A mboñ le lôk kéé yem i ke haa ni me,
yak i bôt ba nyi me ba nkôm me mbus.+
15 Bakén bem+ ni bagwélél bem ba nyoñ me kiki mut nu ba nyi bé;
me yé yaga nkén mut i mis map.
16 Me nsébél ngwélél wem, ndi a ntimbhe bé me;
me nyemhe nye ni nyo wem le a kônôl me ngoo.
18 Yak disii di boñge di nyan me;
i ngéda me ntelep, di nsol me.
21 Kona me ngoo, a mawanda mem, kona me ngoo
inyule woo u Nyambe u mbép me.+
22 Inyuki ni nwaa bé tééñga me nlélém kiki Nyambe?+
Inyuki ni nwaa bé to nyumbla me?*+
23 Éé, ibale bibañga gwem bi bak to ntilga!
Ibale ba lak to ha gwo i ngim kaat!
24 Éé, ibale bi bak to nkédlak i ngii liaa i boga ni boga,
ni saô i kei* lôñni lipidô!
26 I ngéda kon u ga mal ôbôs kôgôô yem,
m’a tehe Nyambe, me bak me ngi yii i niñ,
27 memede m’a tehe nye,
m’a tehe yaga nye ni mis mem, ha ni mis ma mut numpe bé.+
Ndi ikétékété yem, me ngi nogok njôghe!*
28 Inyule ni nkal le: ‘Di ntééñga nye ni kii?’+
Wengoñle men me nyéñ* mandutu mem.