Tjémbi

I mam ba mpot inyu yem ma yé bitembee;*+

 3 ba nkéña me ni bibañga bi ôa,

ba njôs ki me ngi njom.+

 4 Me me ngwés bo, ndi bo ba nkolba me;+

to hala, me nwaa bé soohe.

 5 Me mbôñôl bo loñge ndi bo ba ntimbhe me béba,+

me ngwés bo, ndi bo ba ñoo me.+

 6 Nwas le béba mut yon i kéés ñoo wem;*

nkolba* nyen a telep i woo wé walôm.

 7 I ngéda ba ga kéés nye, mbagi i pam le nyen a gwé njom;*

ba tehe ki masoohe mé kiki béba jam.+

 8 Dilo tjé di ba ndék;+

nson wé u ntééda, mut numpe a yoñ wo.+

 9 Bon bé* ba yila bon ba nyuu,

yak nwaa wé a yila yik muda.

10 Bon bé* ba yila bôt ba ndeñg ni bôt ba njagi,

ba yéñ ki bijek haa ni liyééne jap li li nyila likund.

11 I mut a mbat nye pil a yoñ* gwom gwé gwobisôna,

yak bakén ba bôt ba kadal nkus wé wonsôna.

12 Mut to wada a bôñôl bañ nye loñge,*

mut to wada a kônôl bañ to bon bé ba nyuu ngoo.

13 Mbôda* yé i tjiba,+

hiai hi nlo hi hôya* môl map.

14 Yéhôva a bigda liboñok libe li basôgôlsôgôl bé,+

yak béba i nyañ i séha bañ.

15 Ngéda yosôna, Yéhôva a bigda i mam ba bi boñ;

a boñ ki le bôt ba hôya môl map hana ’isi.+

16 Inyule a bi hoñol bé i bôñôl bape loñge,*+

ndi a bi nai le a noñ mut bôt bape ba ntét,+ hiyeyeba, ni i mut a nok njôghe i ñem

inyu nol+ hiki wada wap.

17 A bé gwés a ntiihe bape, jon ndiihe i bi lo i ngii yé;

a bé gwés bé a nsayap bape, jon to nye a bi kôhna bé bisai.

Ndiihe i kôba nye mu nyuu kiki malép,

mu bihés kiki môô.

19 Ndiihe yé i ba kiki mbot a nhôba,+

ni kiki ngôli a ntéñba ngéda yosôna.

20 Hala nyen Yéhôva a nsaa i mut a nkolba me,+

ni ba ba mpot me* béba.

21 Ndi we, a Nwet Bayemlikok le Yéhôva,

hôla me inyu jôl joñ.+

22 Inyule me gwé bé nhôla, me bak hiyeyeba hi mut,+

me gwé ki mbabaa i ñem.+

23 Me yé i tagbe kiki yiye i i nyoi;

ba mpes me kiki tandi.

24 Sôga je* i mboñ le maboñ mem ma bomb;

me nkôt, yak nyuu i mal me.*

25 Me nyilna bo yom mandegle,+

i ngéda ba ntehe me, ba mpeghe miño.+

26 Éé a Yéhôva Nyambe wem, hôla me;

tohol me ni loñge yoñ ñem.*

27 Ba yi le wen u mboñ i jam li ni woo woñ;

ñ, le wen u mboñ jo, a Yéhôva.

Ba wo nyuu i ngéda ba ntelep i kolba me,

ndi ngwélél woñ a ba maséé.

29 Ba ba nkolba me ba haba wonyuu;

ba hôba hison kiki ba nhôba mbôñgô mbot.*+

30 Nyo wem w’a bégés yaga Yéhôva;

m’a bégés ki nye i bisu bi ngandak bôt.+

31 Inyule a ga telep i woo walôm u hiyeyeba

inyu tohol nye i moo ma bôt ba mpémhene nye mbagi nôgôs.