Tjémbi

132 Éé a Yéhôva, bigda David

ni mandutu+ mé momasôna;

 2 a Yéhôva, bigda kiki a bi kumul we soñ,

kiki a bi ti we likak, a Nu lipémba nu Yakôb,+ a kal le:

 3 “M’a jôp bé i ndap yem libadô, i ndap+ yem;

to nañal, m’a nañal bé i boñ* yem, i nañi yem;

 4 m’a neebe bé le me kee ’ilo,

to neebe le mis mem ma yipba,

 5 letee me léba homa inyu Yéhôva,

loñge homa liyééne* inyu Nu lipémba nu Yakôb.”+

 6 Nun-ki, i yom i,* di bi nok ba mpôdôl yo i Éfrata;+

di bi léba yo nyoo i lipan.+

 7 Di jôp i homa wé liyééne,*+

di ôôp i bisu bi kéhne yé makôô.+

 8 Telep a Yéhôva, u loo i homa woñ linôyôi,+

we ni nkuu Malômbla, u u yé yimbne i ngui yoñ.+

 9 Biprisi gwoñ bi haba telepsép,

yak bagwélél boñ ba leñ diléla.

10 Inyu mbônga u bi bôn ngwélél woñ David,

u tjél bañ* nhook+ woñ.

11 Yéhôva a bi kumul David soñ;

to kii i leñek, a ga héñha bé i yom a bi kal le:

“M’a yoñ mut wada mu mbôda yoñ,*

me yis nye mu yééne yoñ ane.+

12 Ibale bon boñ ba ntééda malômbla mem

ni mabéhna me niiga bo,+

yak bon bap

ba ga yén mu yééne yoñ ane i boga ni boga.”+

13 Inyule Yéhôva a bi pohol Siôn;+

a bé sômbôl yilha nye homa wé liyééne,+ a kalak le:

14 “Linôyôi jem li i boga ni boga;

m’a yééne+ mu, inyule ngôñ yem i.

15 M’a lôôha sayap bijek gwé;

m’a ti diyeyeba bret, me nuus bo.+

16 M’a eñg biprisi gwé ni tohi,+

yak bagwélél bé b’a leñ diléla.+

18 M’a boñ le baoo bé ba haba wonyuu,

ndi ntut u ane u u yé nye i ño u ga bai.”+