Biniigana inyu ñéga kôa. Hiémbi hi David.
21 A Yéhôva! Kiñe i nkon maséé+ inyu ngui yoñ;
i nhak kiyaga inyu minson nwoñ mi tohi!+
2 U bi ti nye mam ma nkon nye ngôñ,+
u nim bé to nye i yom a bi bat we. (Selah)
3 Inyule u nlo i boma nye ni ngandak bisai;
u nkéhi ki ntut u bañga gôl i ngii ño+ wé.
4 A bi bat we niñ, u ti nye yo,+
ntandaa niñ yaga, ñ, niñ boga.
5 Minson nwoñ mi tohi mi nlôôha ti nye lipém.+
U bi ti nye lipémba ni bikeñi.
6 U nsayap nye i boga ni boga;+
a yé maséé i ngéda a ntehe le u yé lôñni nye.+
7 Inyule kiñe i mbôdôl Yéhôva ñem;+
inyu loñgeñem i Nungingii, a’ piñgla bé+ kekikel.
8 Woo woñ u ga gwel babala boñ bobasôna;
woo woñ walôm u ga léba i bôt ba ñoo we.
9 I ntéak ngéda, u ga yilha bo kiki juu li hié hikeñi i ngéda u ga hielba inyu kolba bo.
Yéhôva a’ mil bo ikété hiun hié, yak hié hi ga ligis bo.+
10 U ga tjé bon bap hana ’isi,
u tjé yak mbôda yap le i ba ha bañ ipôla bon ba bôt.
11 Inyule ba bi yéñ boñ we béba;+
i minsoñgi mimbe ba bi ôt, ba bi la bé yônôs nwo.+
12 Ñ, u ga timbis bo ni mbus,+
i ngéda u ga hek le u nleñ bo makoñ ma mpihlôñgô woñ.
13 Telep a Yéhôva, unda ngui yoñ.
D’a tubul lipémba joñ tjémbi di bibégés.