Tjémbi

Tina nye bibégés, a bé bagwélél ba Yéhôva,

béghana jôl li Yéhôva.

 2 Jôl li Yéhôva li kôhna bibégés,

ibôdôl nano letee ni i boga ni boga.+

 3 Jôl li Yéhôva li béghana,+

ibôdôl i het hiañgaa hi mpémél letee ni i het hi nañle.*

 4 Yéhôva a nyôgi i ngii biloñ+ gwobisôna;

lipém jé li yé nyoo i ngingii.+

 5 Njee a yé kiki Yéhôva Nyambe+ wés,

nu a nyééne* i ngii?

 6 A nhôdôp inyu béñge ngii ni ’isi,+

 7 a nyodol yañga mut ikété nluñ ték.

A nhéya hiyeyeba ikété libu,*+

 8 inyu boñ le a yén ni mintôô mi bôt;

ñ, ni mintôô mi bôt ba litén jé.

 9 A nti i muda a ngwal bé ndap,

a yilha nye nyañ bon+ nu a yé maséé ni bo.