Amôs
9 Me bi tehe Yéhôva+ a téé i ngii juu li bisesema, a kal le: “Bép miño mi mél le ndi yak dikuu tjap di nyeñg. Kit miño, me ga nol ki i bet ba nyégle ni pansoñ. Ba ba nso, to wada a ga ke bé haa, ndi mut to wada a ga la bé pei.+
2 To ibale ba ntém ipam i Soñ,*
woo wem w’a yoñ bo nyoo;
to ibale ba mbet i ngii,
m’a sôhna bo hana hisi.
3 To ibale ba nsolop i ngii hikôa Karmel,
m’a yéñ bo, me héya bo nyoo.+
To ibale ba nsolop isi tuye le mis mem ma tehe bañ bo,
m’a ômle bo nyoo le i kogoo bo.
4 Ibale ba nke i minkôm i loñ i baoo bap,
m’a ti pansoñ oda le i nol bo;+
mis mem m’a ba i ngii yap inyu béba, ha inyu loñge bé.+
5 Inyule Nwet Bayemlikok, Yéhôva nu mintôñ mi gwét, nyen a nkogse loñ,*
kayéle loñ i nyimbi,+ yak bôt bobasôna ba nyééne mukété b’a ba ikété maéya;+
loñ yosôna i ga hôl kiki malép ma lom Nil,
i témb i sa kiki lom Nil nu Égiptô.+
6 ‘Nyen a ñoñ likala jé nyoo ngii
a oñok ki ndap yé haa ni hisi;
nyen a nsébél malép ma tuye,
le ma kôba hana ’isi,+
jôl jé le Yéhôva.’+
7 ‘A litén li Israel, baa ni tane bé me kiki Lôk Kus?’ Hala nyen Yéhôva a mpot.
‘Baa me bé nyen me bi héya Israel i loñ Égiptô,+
me héya ki bôt ba Filistia i loñ Kréta,+ yak Siria i loñ Kir?’+
8 ‘Nuna-ki! Mis ma Nwet Bayemlikok le Yéhôva ma yé i ngii béba ane,
a ga tjé yo, a héya yo ikété loñ.+
Ndi m’a tjé bé ndap Yakôb yosôna,’+ hala nyen Yéhôva a mpot.
9 ‘Inyule nuna-ki! Me nti oda,
m’a nyiñgis ndap Israel ikété biloñ gwobisôna,+
kiki mut a nseghe ni segesege,
to hibaña hi’a kwo bé ’isi.
10 Baboñbéba bobasôna ba litén jem, b’a wo ni pansoñ,
i bet ba nkal le: “Bikuu bi ga pam bé i béhni, to tihba bés.”’
11 ‘I kel i, me ga témb me téé lap* i David+ i i bi kwo,
me ntibil bahoma* ba bi bôô,
me mbôñgôl yak bahoma ba bi bugi;
m’a tiimba oñ yo kiki i bé i ngéda kôba,+
12 le ndi ba yoñ i yom i nyégle i Édôm,+
yak ni biloñ gwobisôna bi bi nséblana ni jôl jem,’ hala nyen Yéhôva nu a mboñ i mam mana a mpot.
13 Yéhôva a mpot le: ‘Nuna-ki! Dilo di nlo,
le i mut a nsal, a’ koba i mut a mbumbul,
yak nu a ntjo matam ma nkôô wai, a’ koba nu a nwes mbôô;+
dikôa d’a yoo ni loñge wai,+
14 M’a témb me kot bôt ba litén jem Israel ba ba bi ke i minkôm,+
b’a tiimba oñ bitison bi bi yégle nso, ba témb ba yééne mu;+
b’a bel nwom mi minkôô mi wai, ba nyo ki wai,+
ba sal ki nwom ba je matam map.’+
15 ‘M’a bel bo mu loñ yap,
kekikel mut a’ nup ha bé bo
mu loñ me bi ti bo,’+ hala nyen Yéhôva Nyambe nan a mpot.”