Tjémbi

Hiémbi hi David.

138 M’a bégés we ni ñem wem wonsôna.+

I bisu bi banyambe bape,

m’a tubul we tjémbi di bibégés.*

2 M’a ôôp, me nunuk nyoo i témpel yoñ ipubhaga,*+

m’a bégés ki jôl joñ,+

inyu loñge yoñ ñem* ni libak joñ li maliga.

Inyule u bi boñ le bañga yoñ ni jôl joñ bi loo mam mape momasôna.*

3 I kel me bi sébél we, u bi timbhe+ me;

u bi ti me ñem ngui,* u lédés+ ki me.

4 A Yéhôva, bikiñe gwobisôna bi hisi bi ga bégés we,+

inyule bi bi nok i mam u bi bôn.

5 Ba ga tôp tjémbi inyu mam Yéhôva a bi boñ,

inyule lipém li Yéhôva li yé likeñi.+

6 To hala kiki Yéhôva a nyôgi i ngii, a nyimbe bôt ba suhulnyuu,+

ndi bôt ba ngôk, a nyil ndik bo haa.+

7 To ibale me nkil i ñemkété bikuu, u ga tééda me i niñ.+

U nsambal woo woñ inyu kolba hiun hi baoo bem,

woo woñ walôm u ga tohol me.

8 Yéhôva a’ yônôs mam momasôna a gwé ngôñ i bôñôl me.

A Yéhôva, loñge yoñ ñem* i nom i boga ni boga+

u tjôô bañ minson mi moo moñ.+