Yésaya
28 Ngoo ni ntut ane* u lipamal* u bôt ba lihiua ba Éfraim,+
mbônji i ntut wé i ga yuyi, i nimis bilama gwé,
yon i yé i ngii hikôa hi hi nha bijek, nyoo nyen i bôt wai i nloo ngui ba nyééne!
2 Nuna-ki! Yéhôva a ga om lôs mut i i gwé ngui.
Kiki nop matan-ga nu a nlo ni mbambat, ni mbuk mbebi nu a mbôk gwom,
kiki ôôm nop i i mboñ le malép ma hôl, ma yon homa nyensôna,
hala nyen a ga bes ntut ane ’isi ni ngui.
4 Mbônji i ntut wé i ga yuyi, i nimis bilama gwé,
yon i yé i ngii hikôa hi hi nha bijek,
i ga yila kiki litam li faigé li bisu, sép ngi bôdôl.
I ngéda mut a ntehe jo ndi a ket jo, a mpala milba jo.
5 I kel i, Yéhôva nu mintôñ mi gwét a ga yila ntut ane u lipém ni hikôtô hilam inyu bôt ba nyégle mu litén jé.+ 6 A ga ti bakéés mbuu wé le ba kéés ni telepsép, a yila ki lipigil li ngui li bôt ba ntelep i nwemel u tison inyu kolba baoo ba ba nlo i jôs bo.+
7 Wai i nyumus yak i bôt bana;
maok ma mboñ le ba ndiñg.
Prisi ni mpôdôl, liumb li nyumus bo;
wai i mboñ le ba gwé ha bé yi,
liumb li mboñ le ba kahal ndiñg;
biyiinda gwap bi nteembene bo;
ba mbaage i ngéda ba nkéés.+
8 Bitéblé gwap bi yé nyonok ni bilôô
homa nye ki nye a mpôp bé.
9 Njee ba ga niiga,
njee ba ga toñle nwin?
I bôt ba ntip nwas milik?
I bôt ba ntip tjilis méé?
10 Ba nkal le: “Ndik mambén ni mambén, ndik mambén ni mambén,
ndik bikila ni bikila, ndik bikila ni bikila,*+
ndék hana, ndék nyoo.”
11 Inyu hala nyen a ga gwélél bôt ba nkigbe* ni bôt ba mpot hop u loñ ipe inyu pôdôs bôt ba litén lini.+ 12 A bi kal bo i ngéda kôba le: “Linôyôi lini. I mut a yé nwaak, a noi hana; hana homa nunu nyen mut a nkôhna hogbe,” ndi ba bi tjél emble.+ 13 Jon Yéhôva a ga kal bo le:
“Ndik mambén ni mambén, ndik mambén ni mambén,
ndik bikila ni bikila, ndik bikila ni bikila,*+
ndék hana, ndék nyoo,”
kayéle i ngéda b’a kee,
b’a baage, ba kwoo ni mbus,
14 Jon emblana lipôdôl li Yéhôva, a bôt ba bikadba,
a baane ba litén lini, ba ba yé i Yérusalem.
15 Inyule ni nkal le:
I ngéda malép ma ga hôl, ma hô homa nyensôna,
ma ga tihba bé bés,
inyule di bi yilha bitembee lisolbene jés,
di bi solbene ikété malôga.”+
16 Jon haana nyen Nwet Bayemlikok le Yéhôva a nkal:
I mut a nhémle yo, a ga sehla bé.+
Matan-ga ma ga bôk masolbene ma malôga,
malép ma ga bet, ma hô lisolbene.
I ngéda malép ma ga hôl, ma hô homa nyensôna,
ma ga kulna bé.
19 Hiki ngéda ma mba ma ntagbe,
ma ga kulna bé:+
inyule ma mba ma ntagbe hiki kel,
juu ni njamuha.
Woñi won u ga boñ le ba nok nwin ba bi legel bo.”*
20 Inyule nañi i yé ititigi ngandak inyu boñ le mut a tibil sambla mu,
yak mboñ u yé kidik le u nla bé hô mut nyuu yosôna.
21 Inyule Yéhôva a ga boñ i jam a bi boñ i hikôa Pérasim;
a ga nyamnda kiki a bi boñ i nsôsôgô* u u yé bebee ni Gibéôn,+
inyu gwel nson wé, nson u u yé nkén jam,
ni inyu meehe bôlô yé, bôlô i i yé hélha.+
22 Nano, ni jôha ha bañ,+
tiga le ba kônde sude minkôô minan,
inyule me nok Nwet Bayemlikok le Yéhôva nu mintôñ mi gwét
23 Sédna maôô, emblana me;
lega maôô, emblana ki i jam me mpot.
24 Baa nsalnwom a nla tégbaha kel yosôna i kwas* hisi ibabé le a nwes mbôô?
Baa a ga nyugut ndigi biték, nyugut ni nyugut?+
25 I ngéda a mal sal hisi,
baa a nwes bé hinda kumin, a bel ki kumin?
27 Inyule ba ngwélél bé kak ba ntidil kôn inyu tét hinda kumin,+
to makôô ma kak ma ntagbe bé i ngii kumin.
Ndi ba mbép hinda kumin ni kék,
ba mbép kumin ni mboñgo kék.
28 Baa mut a nkok blé i litidil li blé inyu boñ bret?