Mika
7 Ngoo ni me! Me yé kiki mut le,
i mbus libumbul li matam ma ngéda sép,
yak i ngéda ba mal bada matam ma nkôô wai i mbus libumbul,
a nléba bé liyuu li matam ma nkôô wai inyu je,
to litam li faigé li li nkon nye ngôñ.
Bobasôna ba nyéñ manjel i kôp matjél.+
Hiki mut a ñamb maasañ ni pése.
3 Moo map ma gwé makeñge i boñ béba;+
ñane a mbat makébla,
nkéés a mbat nsaa,+
bañga mut i nyéñ mam ma nkon nye ngôñ,+
ba gwé mahoñol mada.*
4 Nu a nlôôha ba loñge ikété yap a yé kiki biloo,
nu a nlôôha ba telepsép a yé béba iloo lipénd li biloo.
Hilo hi batat boñ ni hi bikééhene gwoñ hi ga lo.+
Ha ngéda i, ba ga yôm.+
5 U hémle bañ mut woñ libôk,
to liwanda joñ li ñem nyuu, u bôdôl bañ jo ñem.+
Yoñ yihe ni jam u nkal nu a nhôôba we i ngii nañi.
6 Inyule man munlôm a nyan isañ,
man muda a nkolba nyañ,+
yak nkiya a nkolba nyôgôl wé;+
baoo ba mut ba yé bôt ba ndap yé.+
7 Ndi inyu yem, m’a ke ni bisu i béñge Yéhôva.+
Me ga bem Nyambe nu tohi yem ibabé waa.*+
Nyambe wem a’ emble me.+
8 U nol bañ me hiol, a ñoo wem.*
To me nkwo, me ga telep;
to ibale me nyééne i jiibe, Yéhôva a ga ba mapubi mem.
9 M’a hônba hiun hi Yéhôva
inyule me bi boñ nye béba,+
letee a kéés hop wem, a pémhene ki me mbagi sép.
A ga yoñ me, a kena me i mapubi;
m’a tehe ki telepsép yé.
10 Yak ñoo wem a ga tehe hala,
a wo ki nyuu, nyen a bé bat me le:
“Yéhôva Nyambe woñ a yé hee?”+
Mis mem ma ga béñge nye.
Ba ga tidbe nye kiki liboo li li yé minloñ.
11 Hala a ga ba hilo inyu oñ mabap moñ ma ngok;
i hilo hi, ba ga kéñbaha minwaa nwoñ mi nkoñ.*
12 I hilo hi, ba ga lo i weeni,
ba lôlak i Asiria ni i bitison bi Égiptô,
ibôdôl i Égiptô ikepam i Lom;*
ibôdôl nunu tuye ikepam nuu tuye numpe, ibôdôl hini hikôa ikepam hii hikôa hipe.+
13 Loñ y’a tjiba inyu béba i bôt ba ba nyééne mu,
inyu mam ba bi boñ.*
14 Éga litén joñ ni ntoñgo woñ, bémba i ngababum yoñ,+
i i bé niñ yotama ikété lipan, i ñemkété bikai.
Li je bikai i Basan ni i Giléad+ kiki i ngéda kôba.
15 “Kiki i ngéda u bi nyodi i loñ Égiptô,
m’a unda we bihélha bi mam.+
16 Biloñ bi ga tehe hala, bi wo nyuu, to hala kiki bi gwé lipémba.+
Bi ga yip manyo;
yak maôô map ma ga kwo ndok.
17 Bi ga je biték kiki nyoo;+
kiki binuga bi bi ñôdba ’isi, bi ga nyodi ikété masolbene map, bi sehlaga.
Bi ga lo yak Yéhôva Nyambe wés, bi konok woñi,
bi ga kon we woñi.+
19 A’ kônde kônôl bés ngoo;+ a ga yémbél* mahôha més.
U ga leñ bibéba gwés gwobisôna ikétékété tuye.+