Bingéngén
28 Bibéba bi bôt bi nke ngwéé ki le mut a noñ bé bo,
2 I ngéda bôt ba mbôk mbén ikété* loñ, ba nhéñha baane hiki ngéda,+
ndi ni mahôla ma mut nu a nyi bagal mam, a ban-ga yi, ñane a ga nom.+
3 Hiyeyeba hi hi mpôs i bôt ba gwé ngôñ ni mahôla,+
hi yé kiki nop nu a nkulna bijek gwobisôna.
5 Bibéba bi bôt bi nla bé nok telepsép,
ndi i bôt ba nyéñ Yéhôva ba nok mam momasôna.+
6 Hiyeyeba hi hi nkil ikété maliga hi yé nseñ
iloo ngwañ mut u u gwé maboñok mabe.+
7 Man nu a nyi jam a noñ mbén,
ndi nu a nkiha ni bôt ba mbéna je, a nwéha isañ nyuu.+
8 I mut a mpôôs bôt ni yéñe,+ a nuñlak moni inyu bulus lingwañ jé,
a yé i kot jo inyu nu a nkônôl diyeyeba ngoo.+
9 Nu a ntjél emble mbén,
Nyambe a ñoo yak masoohe mé.+
10 Nu a nlugha bôt ba téé sép i boñ mam mabe, a ga kwo ikété bee yé nyemede,+
ndi bôt ba ngi nsohi ba ga kôdôl gwom bilam.+
12 I ngéda bôt ba téé sép ba nyémbél, lipém li yé ngandak,
ndi i ngéda bibéba bi bôt bi mbôdôl ane, bôt ba nke ba solop.+
13 Nu a nhô bibéba gwé, mam ma ga ke bé loñge inyu yé,+
ndi nu a mpahal bibéba gwé, a nwas ki gwo, nyen ba ga kônôl ngoo.+
15 Kiki mbondo njéé i i nkônd tole ours i i noñ nuga,
hala nyen béba ñane i ntét bôt ba ba gwé bé nhôla.+
17 I mut a bééga pil matjél inyule a nol mut, a ga ke ngwéé letee ni i soñ.*+
Mut nye ki nye a hôlga bañ nye.
19 I mut a nsal wom a ga bana ngandak bijek,
ndi nu a nsal bibôlô bi gwé bé nseñ a ga nuu liyep.+
21 I ta bé loñge i todol bôt;+
ndi mut a nla boñ jam libe inyu két bret.
22 I mut a gwé huluk ñem* a nyéñ pala kwo ngwañ,
ndi a nyi bé le a ga kwo liyep.
23 Mut a nsôk a gwés+ nu a nkodol nye+
iloo nu a mpot ndigi inyu lémél nye.
24 I mut a nibil isañ bo nyañ, ndi a kalak le: “Béba bé i,”+
a ta bé maselna ni nu a ntjé.*+
27 Nu a nkébél diyeyeba, yom i ga héñél bé nye,+
ndi nu a mboñ wengoñle a ntehe bé bo, a ga kôhna ngandak ndiihe.
28 I ngéda bibéba bi bôt bi mbôdôl énél, bôt ba nke ba solop,
ndi i ngéda ba nwo, bôt ba téé sép ba nkônde bôl.+