Yôsua
3 Yôsua a pule telep, nye ni bon ba Israel* bobasôna, ba nyodi i Sitim,+ ba ke i Yordan. Nyoo nyen ba bi tégbaha u ilole ba nyap lom.
2 I mbus dilo daa, baane+ ba litén ba tagbe mukété liyééne li litén, 3 ba kal bôt le: “I ngéda ni ga tehe biprisi+ le Lôk Lévi bi bééga nkuu Malômbla u Yéhôva Nyambe nan, nyodna i homa ni yé, ni noñ wo. 4 Liké li ga ba ipôla bé ni nkuu Malômbla, li nlama ba bebee le 2 000 di dikéñéé di moo;* ni lôôha bañ tiige wo bebee, inyu boñ le ni yi imbe njel ni nlama kil, inyule ni yé ngi lôô mu njel i.”
5 Ha nyen Yôsua a kal bôt ba litén le: “Ni pubus bébomede,+ inyule Yéhôva a’ boñ bihélha bi mam yani ipôla nan.”+
6 I mbus, Yôsua a kal biprisi le: “Yoña nkuu+ Malômbla, ni bôk litén i bisu.” Ba yoñ nkuu Malômbla, ba bôk litén i bisu.
7 Yéhôva a kal Yôsua le: “I len ini me ga bédés we i mis ma bon ba Israel,+ inyu boñ le ba yi le me ga ba ni we+ kiki me bé ni Môsi.+ 8 I oda ini yon u ga ti biprisi bi bi mbegee nkuu Malômbla: ‘I ngéda ni ga pam i ngwañ lom Yordan,+ jôba i lép, telbana ha.’”
9 Yôsua a kal bon ba Israel le: “Lona hana, ni emble bibañga bi Yéhôva Nyambe nan.” 10 Yôsua a kal ki le: “Lana nyen ni ga yi le Nyambe nu a niñ a yé i hôla bé,+ ni le a ga luhul Lôk Kanaan i bisu binan, yak Lôk Hét, Lôk Hivi, Lôk Péris, Lôk Girgas, Lôk Amôr ni Lôk Yébus.+ 11 Nuna-ki! Nkuu malômbla u Nwet nu hisi hiosôna u ga bôk bé i bisu ikété Yordan. 12 Nano yoña 12 bôlôm mu matén ma Israel, hiki litén+ munlôm wada, 13 ndik kiki mabal ma biprisi bi bi mbegee nkuu u Yéhôva, Nwet nu hisi hiosôna, m’a tihba malép ma Yordan, malép m’a kuli ha bé, m’a telep kiki libap li ndap.”*+
14 I ngéda litén li bi nyodi i homa li bé li yiine inyu yap Yordan, biprisi bi bi mbegee nkuu+ Malômbla bi bé i bisu gwap, bi bôgôk. 15 Ndik kiki babegee nkuu ba bi pam i Yordan, yak biprisi bi bi mbegee nkuu bi ha makôô map i ngwañ lép (i ngéda mabumbul, Yordan a bé a hôl kayéle a bé a hô mabôñ+ mé), 16 i malép ma bé lôl i mabeda, ma waa kuli. Ma telep kiki libap li ndap* nyoo i tison Adam, bebee ni Zarétan. Yak mana ma bé kenek i tuye Araba, hala wee tuye Bas,* ma kuli momasôna. Hala nyen malép ma bi telep inyu boñ le litén li yap Yordan, ha i mbombom Yérikô. 17 Ntel ngéda wonsôna biprisi bi bi mbegee nkuu Malômbla u Yéhôva bi bi telep i nnumuk ’isi+ i ñemkété Yordan, Israel nyensôna a bi yap mu nnumuk ’isi,+ letee loñ yosôna i mal yap Yordan.