Yérémia
15 Ha nyen Yéhôva a bi kal me le: “To ibale Môsi bo Samuel bon ba bak ba téé me i bisu,+ me ga kônôl bé litén lini ngoo. Luhul bo, ba nyodi me i mbom. Ba kenek. 2 Ibale ba nkal we le: ‘Di kenek hee?’ U nlama timbhe bo le: ‘Yéhôva a nkal le:
“Nu himala hi nlama nol, himala hi nolok nye!
Nu pansoñ i nlama nol, pansoñ i nolok nye!+
Nu njal i nlama nol, njal i nolok nye!
Nu a nlama ke i minkôm, a kenek i minkôm!”’+
3 “‘M’a ômle bo bikuu bina,’*+ hala nyen Yéhôva a mpot, ‘pansoñ inyu nol bo, ngwo inyu ôt mim ’isi, dinuni di ngii ni binuga bi bikai inyu je ni tjé.+ 4 Me ga yilha bo yom bilim ikété biane bi nkoñ ’isi gwobisôna+ inyu jam Manasé, man Hézékia, kiñe Yuda, a bi boñ i Yérusalem.+
5 Njee a ga kônôl we ngoo, a Yérusalem?
Njee a ga ee we?
Njee a ga telep i bat too u yé mbôô?’
6 ‘U bi tjôô me,’ hala nyen Yéhôva a mpot.+
Jon me ga sambal woo wem, me bép we, me tjé ki we.+
Me nwaa kon we ngoo.*
7 Me ga pep bo i manwemel ma loñ kiki ba mpep blé.*
Me ga nol bon+ bap.
Me ga tjé litén jem,
inyule ba ngwés bé nwas maboñok map mabe.+
8 Biyik gwap bi bôda bi ga bôl i bisu gwem iloo lisege li tuye.
M’a lona ntjé-bôt inyu jôs bo i ñem kosi, inyu jôs banyañ ni boñge ba wanda.
M’a lona manyiñgha ni woñi kunda yada i boni.
9 Muda a bi gwal bon basaambok a nwaa ngandak;
a nhép bé loñge.
Hiañgaa hi nañal i nyeni ndi ki le kel i ngi yii,
hala a nlona wonyuu ni hison.*
I ndék bôt i nyégle ikété yap,
m’a boñ le baoo bap ba nol bo ni pansoñ,’ hala nyen Yéhôva+ a mpot.”
10 Ngoo ni me, a mama yem, inyule u bi gwal me,+
me yé mut le loñ yosôna i nôôma, i jôhak.
Me bi poo bé yom, to pôôs mut yom;
ndi bobasôna ba ntiihe me.
11 Yéhôva a bi kal le: “Ibabé pééna m’a hôla we;
m’a sôñ we i ngéda bikuu,
i ngéda ñoo a ga lona njiiha.
12 Baa mut a nla bôk kei* ngéñ ngéñ,
kei i i nlôl i ñombok; tole a nla bôk mamuna?
13 Me ga boñ le bôt ba kabna nkus woñ ni masôô moñ ma nkus,+
ba ga somb bé wo, m’a boñ hala i kogse we inyu bibéba gwobisôna u mboñ ni minkoñ nwoñ nwominsôna.
14 Me ga ti wo baoo boñ
le ba kena wo i loñ u nyi bé.+
Inyule hiun hiem hi nkala kiki hié,
hi ga ligis bé.”+
15 A Yéhôva, u nyi mangéda me ntégbaha,
bigda me, yoñ ngéda ni me.
Pun me inyule bôt ba ntééñga me.+
U tiñha bañ i unup, tiga le ba nol me.*
Inyu jôl joñ nyen me yé i kôhna i hison hini.+
16 Me bi léba bibañga gwoñ, me je gwo;+
bibañga gwoñ bi nlona maséé ni mahak i ñem wem,
inyule me bééga jôl joñ, a Yéhôva Nyambe nu mintôñ mi gwét.
17 Me nyén bé i nlélém homa lôñni bôt ba ngwés ba nke i mangand inyu kon maséé.+
Me nyén metama inyule woo woñ u yé i ngii yem.
18 Inyuki njôghe yem i mal bé, to mbabaa yem i mbôôp bé?
I nok bé matibla.
Baa u ga yilna me kiki lingen li li gwé bé malép,
li mut a nla bé bôdôl ñem?
19 Jon Yéhôva a nkal le:
“Ibale u ntémb, m’a mbuubaha we,
w’a telep ki i bisu gwem.
Ibale u mboñ maselna ipôla jam li gwé mahee ni jam li gwé bé mahee,
u ga yila mpôdôl wem.*
I ga béda le ba emble we,
ndi we w’a emble bé bo.”
20 “Me ga yilha we kiki lipénd li ngui li li yé ni mamuna inyu bôt ba litén lini.+
Ba ga jôs we,
inyule me yé lôñni we, inyu sôñ ni inyu tohol we,” hala nyen Yéhôva a mpot.
21 “Me ga sôñ we i moo ma bibéba bi bôt,
me ga kobol we i libai li woo li bôt ba ba nkona bé ngoo.”