Tjémbi

 2 Ilole dikôa di ngwéé,

u bi hek* nkoñ ’isi ni hisi,+

ibôdôl yaga i boga letee ni i boga, u yé Nyambe.+

 3 U ntimbis mut binam nluñ ték;

u nkal le: “A bé bon ba bôt, ni témb nluñ ték.”+

 4 Inyule i mis moñ, hikôô hi nwii hi yé ndik kiki yani nu a mal tagbe,+

hi yé kiki faa juu.

 5 U nsas bôt ba binam;+ ba nyoi kiki eem;

ba yé kiki kai i i ño+ kegla.

 6 Bikegla, kai i nsem, i nañ ki;

ndi bikôkôa, i nkudi, i kôt ki.+

 7 Inyule hiun hioñ hi ntjé bés,+

yak kundul yoñ i nlôôha kônha bés woñi.

 8 U mbii maboñok més mabe i bisu gwoñ;*+

yak mapubi ma su woñ ma nyelel mam* di mboñ bisôsôli.+

 9 Hiun hioñ hi mboñ le dilo tjés di* ba nhubuk;

yak wo, di mpala wo kiki nhébék* u u nhoo kidi.

10 Dilo di niñ yés di yé ndigi 70 ma nwii,

tole 80+ ma nwii ibale mut a nlôôha bana ngui.*

Ndi i dilo di, di yôni ni mandutu ni nduña,

di* mpala tagbe, yak bés di ba ha bé.*+

12 Niiga bés i soñgol dilo+ tjés,

inyu boñ le di bana ñem u pék.

14 Kegla, nuus bés ni loñge yoñ ñem,*+

inyu boñ le di leñ diléla, di séé+ ki dilo tjodisôna di niñ yés.

15 Kônha bés maséé+ inoñnaga ni nsoñgi dilo u bi nôgha bés njôghe,+

ni kingéda nsoñgi nwii di bi tehe béba.

16 Boñ le bagwélél boñ ba tehe nson woñ,

boñ ki le bon bap ba tehe lipém+ joñ.