Tjémbi
Biniigana inyu ñéga kôa; kingéda hiémbi hi hi gwé ño le: “Mbônji i bikai.” Hiémbi hi David.
69 A Nyambe, tohol me, inyule malép ma mbet ngandak kayéle ma yé bebee i mil me.+
2 Me nsôôbe ikétékété ndobo, i homa nnumuk ’isi i ta bé.+
Me nyin ikété ndip malép,
yak hundul i nkulna me.+
3 Me nlond, me waa;+
kiñ i nañ me.
Mis mem ma nwaa bem Nyambe.+
4 I bôt ba ñoo me yañga+
ba yé ngandak iloo tjôñ di ño wem.
I bôt ba nyéñ nol me,
baoo bem ba ba nliibana me* ba mbôl.
Ba nyégsa me i timbis i yom me nip bé.
5 A Nyambe, u nyi bijôñ gwem,
to bibéba gwem bi sôli bé i mis moñ.
6 A Nwet Bayemlikok, Yéhôva nu mintôñ mi gwét,
i bôt ba mbôdôl we ñem, i mbéda bé le me wéha bo nyuu.
A Nyambe nu Israel,
i bôt ba nyéñ we, i mbéda bé le me kônha bo hison.
8 Me nyila nkén mut inyu lôkisañ yem,
me yila ki yoyo inyu lôknyañ+ yem.
9 Makénd inyu ndap yoñ m’a loñ kiki hié ikété ñem wem,+
yak diyana di bôt ba nyan we di bi adap me munu nyuu.+
10 I ngéda me bi suhus memede, me sôga ki je,*
ba bi sol me inyule me mboñ hala.
11 I ngéda me bi haba nsugut,
me bi yilna bo yom mandegle.*
12 I bôt ba yii i nwemel u tison ba mpot jôl jem,
me yé ki hiémbi hi bôt ba lihiua.
13 Ndi masoohe mem ma pam i weeni,
i ngéda hala a nlémél we,+ a Yéhôva.
14 Héya* me ikété ndobo
le me sôôbe bañ mu.
Sôñ me i moo ma bôt ba ñoo me,
sôñ ki me mu ndip malép.+
15 U nwas bañ le hundul malép i kulna me,+
u neebe bañ le ndip malép i mil me,
16 Éé a Yéhôva, timbhe me, inyule loñge yoñ ñem* i yé ilam.+
Pala timbhe me, inyule me gwé ndutu.+
18 Tiige me bebee, u sôñ ki me;
kobol me i moo ma baoo bem.
19 U nyi le ba nsol me, ba nwéha ki me nyuu, ba yanak me.+
U ntehe babala bem bobasôna.
20 Bisol bi mpat me ñem; i mbabaa i, i nla bé mal.*
Me bemek le ba kon me ngoo, ndi mut to wada a mboñ bé hala,+
me bemek yak le ba hôgbaha me, ndi me ntehe bé mut a mboñ hala.+
23 Mis map ma kôp jiibe kayéle ba tehna ha bañ,
boñ le bibôbôk gwap bi nyeñg hiki ngéda.
26 Inyule ba noñ i mut u bi bép,
ba nwaa bé to añal mandutu ma bôt u bi babaa.
27 Boñ le ba kôhna kogse inyu bibéba gwap,
u yoñ bañ to bo kiki bôt ba téé sép.
29 Ndi me nok ndutu, me nogok njôghe.+
A Nyambe, ngui yoñ i tohol i tat me.
30 M’a tubul jôl li Nyambe tjémbi di bibégés,
m’a ti ki we lipém ni mayéga.
31 Hala a ga lémél Yéhôva iloo sesema i nlôm nyaga,
iloo sesema i man nlôm nyaga nu a gwé bitoñ ni bipal.+
32 Bôt ba suhulnyuu ba ga tehe hala, ba kon maséé.
A bé ba ni nyéñ Nyambe, miñem minan mi bana ngui.
34 Ngii ni ’isi bi bégés+ nye,
yak batuye ni i gwom gwobisôna bi niñil mukété.