Tjémbi
Biniigana inyu ñéga kôa. Hiémbi hi David.
41 I mut a nhôla hiyeyeba+ a yé maséé;
Yéhôva a ga sôñ nye i kel bikuu.
2 Yéhôva a ga tat nye, a tééda ki nye i niñ.
Ba ga kal le a yé maséé hana ’isi;+
kekikel, u ga ti bé nye i moo ba baoo+ bé le ba boñ nye to kii ba ngwés.
4 Inyule me bi kal le: “Éé a Yéhôva, kon me ngoo.+
Mbuubaha me,*+ inyule me bi boñ we béba.”+
5 Ndi baoo bem ba mpot me béba, ba kalak le:
“A ga wo kekii, le ba hôya nye?”*
6 Ibale wada wap a nlo i yuuga me, a* mpot bitembee.
A nyéñ ndik jam libe a nla añle bôt bape;*
i mbus, a nke, a tôô jo homa nyensôna.
7 Ba bobasôna ba ñoo me ba nsoogana bo ni bo;
ba ñuune me jimb, ba kalak le:
8 “Jam libe li nkwél nye;
nano le a nkwo ’isi, a ga telep ha bé.”+
9 Yak liwanda jem li ñem nyuu, li me bôdlak ñem,+
nu me ni nye di bé je ntôñ,* a mpa tindi yé inyu kolba me.*+
10 Ndi we, éé a Yéhôva, kônôl me ngoo, u téé ki me,
inyu boñ le me timbhe bo inoñnaga ni maboñok map.
11 Inyu jam lini nyen m’a yi le u ngwés me:
i ngéda ñoo wem a ga la ha bé leñ diléla inyule a nyémbél me.+
Amen! Amen!