Tjémbi
Ntuba. Hiémbi hi bon bôlôm ba Kôra.+
48 Yéhôva a yé nkeñi, a kôli yaga le ba bégés nye
ikété tison i Nyambe wés, mu hikôa hié hipubhaga.
2 Hikôa Siôn hi yéne i pes ñombok,
hi yé hilam nyoo i homa hi nyôgne, hi nkônha ki hisi hiosôna maséé,+
hi yé tison i Kiñe ikeñi.+
4 Inyule nuna-ki, bikiñe bi nkodba;*
bo bana ba nke ntôñ.
5 Ndi i ngéda ba bi tehe tison, ba hel.
Miñem mi bôô bo matjél, ba kon woñi, ba so.
6 Nyoo nyen ba bi bôdôl sehla,
ba nogok njôghe kiki muda a nkôôga.
7 U ngwélél mbebi i i nlôl i pes likôl inyu boñ le bisitima bi Tarsis bi yin.
8 I mam di bi nok, mon bésbomede di ntehe nano
ikété tison i Yéhôva nu mintôñ mi gwét, mu tison i Nyambe wés.
Nyambe a ga sôñ i tison ini i boga ni boga.+ (Selah)
10 A Nyambe, kiki jôl joñ, bibégés gwoñ
bi mpam letee ni i masuk ma ’isi.+
Woo woñ walôm u yôni ni telepsép.+
12 Kena mu mapañ ma tison Siôn, kiiñana ki yo;
soñglana minkum nwé mi mandap.+
13 Tiblana béñge mapénd mé ma ngui.*+
Wana ki minkum nwé mi mandap,
inyu boñ le ni yik añle tjai tjodisôna i jam li.
14 Inyule i Nyambe nunu a yé Nyambe+ wés i boga ni boga.