Masoola Yôhanes a bi kôhna
3 “Tilna añgel i likoda li Sardé le: Nu a gwé mimbuu mi Nyambe minsaambok+ ni tjôdôt disaambok,+ nyen a nkal i mam mana le: ‘Me nyi maboñok moñ, me nyi le bôt ba nkal le* u yé i niñ, ndi ki le u yé nwok.+ 2 Yén péé,+ u lédés ki i mam ma ngi yii, ma ma bak bebee ni wo; inyule me nkoba bé le u ngwel minson nwoñ i nya yôni* i bisu bi Nyambe wem. 3 Jon kee ni bisu i hoñol* i mam u bi kôhna ni i mam u bi nok, kee ni bisu i tééda mo, u hiel ki ñem.+ Ibabé pééna, ibale u ntôde bé, m’a lo kiki mut wip,+ kekikel w’a yi bé to imbe ngeñ m’a lôl we.+
4 “‘Ndi to hala, u gwé ndék bôt* i Sardé, i i bi hindis bé mambot map;+ b’a hiôm lôñni me, ba bak ba hééba bipuba bi mambot+ inyule ba kôli. 5 I mut a nyémbél,+ b’a ha nye bipuba bi mambot;+ kekikel m’a héya* bé jôl jé ikété kaat niñ,+ ndi m’a neebe le me nyi nye* i bisu bi Tata, ni i bisu bi biañgel gwé.+ 6 Nu a gwé maôô, a emble i jam mbuu u nkal makoda.’
7 “Tilna añgel i likoda li Filadelfia le: Nu a yé mpubi,+ nu a yé maliga,+ nu a gwé hiliba hi David,+ nu a nyibil kayéle mut to wada a’ yip bé, a yibak ki kayéle mut to wada a’ yibil bé, nyen a nkal i mam mana le: 8 ‘Me nyi maboñok moñ. Nun-ki! Me mal nyibil likôga i bisu gwoñ,+ mut to wada a nla bé yip jo. Me nyi le u gwé ndék ngui, u bi tééda bañga yem, u tañba bé to jôl jem. 9 Nun-ki! I bôt ba nlôl i ndap bibégés i Satan, ba ba nkal le ba yé Lôk Yuda ndi ki le ba ta bé yo,+ ngo ba yé i tembee, nun-ki! M’a boñ le ba loo, ba ôôp* i makôô moñ, m’a boñ ki bo le ba yi le me bi gwés we. 10 Ndi hala kiki u bi tééda i mam u bi nok inyu hônba yem,*+ yak me m’a tééda we i ngeñ manoodana,+ i i yé bebee ni lo i nkoñ ’isi wonsôna, inyu noode i bôt ba nyééne hana ’isi. 11 Me mpala lo.+ Kônde téñbe ni mam u gwé, kayéle mut to wada a yoñ bañ ntut woñ.+
12 “‘I mut a nyémbél, m’a yilha nye jél ikété témpel Nyambe wem, a ga nyodi ha bé mu kekikel, m’a tila jôl li Nyambe wem i ngii yé lôñni jôl li tison i Nyambe wem,+ Yérusalem yondo,+ i i nlôl i ngii yak Nyambe wem ndi i sôhôk; me tila yak jôl jem li mondo jomede i ngii yé.+ 13 Nu a gwé maôô, a emble i jam mbuu u nkal makoda.’
14 “Tilna añgel i likoda li Laôdikéa+ le: Nu a yé Amen,+ bañga mbokmbôgi+ nu maliga,+ bibôdle bi mam Nyambe a bi hek,+ nyen a nkal i mam mana le: 15 ‘Me nyi maboñok moñ, le u nsune bé, to lék u nlék bé. Me gwé ngôñ le u sune tole u lék. 16 Jon hala kiki u mbiibe, ndi u nlék bé,+ to sune u nsune bé,+ m’a lo we i nyo wem. 17 Inyule u nkal le: “Me yé ngwañ,+ me bi kot ki lingwañ, me gwé bé to ngôñ ni yom yo ki yo,” ndi u nyi bé le u yé ngoo, u nkônha ki ngoo, u bak hiyeyeba ni ndim ni nso, 18 me nti we maéba le u somb gôl i meeni i i mpubhana ni hié le ndi u yila ngwañ; u somb ki bipuba bi mambot le ndi u haba mo, ni le hison hi nso woñ hi yeli bañ;+ u somb ki bee bi mis,+ u hoo mu mis moñ le ndi u tehna.+
19 “‘I bôt bobasôna me ngwés, me nkodol bo, me niigaga ki bo.+ Jon, bana makénd, u hiel ki ñem.+ 20 Nun-ki! Me téé i nwemel, me koodege. Ibale mut a nok kiñ yem, ndi a yibil nwemel, m’a jôp i ndap yé, me je bijek bi kôkôa* lôñni nye, yak nye lôñni me. 21 I mut a nyémbél,+ m’a ti nye kunde i yén lôñni me i yééne yem ane,+ nlélém kiki me bi yémbél, me yén+ ni Tata i yééne yé ane. 22 Nu a gwé maôô, a emble i jam mbuu u nkal makoda.’”