Tjémbi

78 A bôt ba litén jem, emblana mbén yem;*

ni sédne ki bipôdôl bi nyo wem maôô.

M’a pot bipôdôl bi ngéda kôba, bi bi nlet i nok,*+

 3 i mam di bi nok, ni i mam di nyi,

i mam basañ bés ba bi añle bés,+

 4 di ga sôô bé mo bon bap;

di ga añle hiai hi nlo+

minson mi Yéhôva mi mi kôli ni bibégés, di añle ki hio ngui+ yé

ni bihélha bi mam a bi boñ.+

 5 A bi ti bon ba Yakôb litéak,

a tééne ki bon ba Israel mbén;

a bi ti basôgôlsôgôl bés oda

le ba añle mam mana bon+ bap,

 6 inyu boñ le i hiai hi hi nlo,

hala wee i bon b’a yik gwé, ba yi mo.+

 7 Ha nyen ba ga bôdôl Nyambe ñem,+

ba ga hôya bé to minson mi Nyambe,

ndi ba ga nôgôl mambén+ mé,

 8 le ndi ba yila bañ kiki basôgôlsôgôl bap,

hiai hi hi bééna ño mbe, hi bak ki ndok;+

hiai hi hi bé béna héñha mahoñol,*+

hi téñbe bé to ni Nyambe.

 9 Mimpihlôñgô mi bé bijôl bi gwét bi bon ba Éfraim,

ndi ba bi so i kel gwét.

10 Ba bi tééda bé malômbla ma Nyambe,+

ba tjél ki nôgôl* mbén+ yé.

11 Ba hôya ki i mam a bi boñ,+

ba hôya yak minson mi hélha a bi unda bo.+

12 A bi boñ bihélha bi mam i loñ Égiptô, i nkoñ u Zôan,*+

basôgôlsôgôl+ bap ba tehge.

13 A bagal tuye le ba tagbene mu,

a téé ki malép kiki libap li ndap.*+

14 A bé éga bo njamuha ni ond,

yak u wonsôna ni mapubi ma hié.+

15 A bol maaa i ñoñ,

a ti bo ngandak malép wengoñle ma nlôl i ndip tuye inyu mélés nyus+ yap.

16 A pémhene diléléba i liaa,

a boñ ki le malép ma kuli kiki balom.+

17 Ndi ba bi nai ni boñ béba i bisu gwé,

ba ndogbene ki Nungingii i ñoñ;+

18 ba noode Nyambe ni ntjeñ,*+

ba badak nye bijek bi bi bé lôôha kon bo ngôñ.

19 Jon ba bé pot Nyambe béba,

ba kalak le: “Baa Nyambe a yé le a ti bés bijek i ñoñ?”*+

20 Ngo a bi bép liaa

le malép ma kuli, yak bihundul bi kôba.+

“Baa a yé ki le a ti bés bret,

tole a ti litén+ jé nuga?”

21 I ngéda Yéhôva a bi nok bo ba mpot hala, a unup ngandak;+

a om hié+ le hi ligis bon ba Yakôb,

a unbene ki Israel+ kiyaga,

22 inyule ba bi hémle bé Nyambe,+

ba bôdôl bé to nye ñem le a nla tohol bo.

23 Jon a bi ti ond i ngii oda,

a yibil ki makôga ma ngii,

24 a nôhne bo mana le ba je,

a ti ki bo blé i nlôl i ngii.+

25 Bôt ba binam ba bi je bret bi mimpémba mi bôt;*+

a ti bo ngandak bijek le ba je, ba nuu.+

26 A boñ le mbebi i nlôl i pes likôl i hôñ nyoo i ngii,

a gwélél ki ngui yé inyu boñ le mbebi i nlôl i pes nwelmbok i hôñ.+

27 A nôhne ki bo nuga kiki nluñ nték,

dinuni di bé ngandak kiki lisege li mbaa tuye.

28 A boñ le di kwoo i ñemkété liyééne jap,

mu mapañ momasôna ma bilap gwap.

29 Ha nyen ba bi je, ba sôgba gwo;

a ti bo i yom i bé kon bo ngôñ.+

30 Ndi bo ngi mal yônôs ngôñ yap,

ki bijek bi bé bi ngi yii bo i nyo,

31 Nyambe a unbene bo ngandak,+

a nol bôt bap ba bé lôôha bana ngui;+

a bes ki boñge ba wanda ba Israel ’isi.

32 Ndi to hala, ba bi kônde boñ béba,+

ba hémle bé to minson nwé mi hélha.+

33 Jon a bi mélés dilo tjap kiki nhébék,+

a boñ le bikuu bi kwél bo kunda yada kayéle ba wo.

34 Ndi hiki ngéda a bé nol bo, ba bé ba yéñ nye;+

ba bé ba témb, ba yéñ Nyambe,

35 ba bé ba bigda le Nyambe a bé Liaa+ jap,

ni le Nungingii a bé Nkobol*+ wap.

36 Ndi ba bi noode lôk nye ni nyo wap,

ba teembene ki nye ni hilémb hiap.

37 Miñem nwap mi bé bé mi tiñi ni nye;+

ba bi téñbe bé to ni malômbla+ mé.

38 Ndi a bé kônôl bo ngoo;+

a nwéhlak* béba yap, a tjé bé to bo.+

A bi gwel hiun+ hié ngandak ngélé,

a tjél ki kala ni hiun.

39 Inyule a bé bigda le ba yé ndik minsôn,+

ba yé ndik mbebi i ntagbe, i i ntémb ha bé.

40 Ba bi ndogbene nye ngandak ngélé i ñoñ,+

ba hindha ki nye ñem i ñoñ!+

41 Ba bi noode Nyambe+ ngandak ngélé,

ba nôgha ki Numpubi nu Israel njôghe i ñem.*

42 Ba bi bigda bé lipémba* jé,

ba bigda bé kel a bi tohol* bo i moo ma mut a bé kolba bo,+

43 ba bi bigda bé le a bi boñ biyimbne i Égiptô,+

ba bigda bé to le a bi boñ mam ma hélha i nkoñ u Zôan,

44 ni lelaa a bi yilha balom ba Nil matjél,+

kayéle mut a bi la ha bé nyo malép mu diléléba tjap.

45 A ep mauñ ma bibole le ma je bôt ba Égiptô,+

a ep yak minkoñgo le mi tjé bo.+

46 A ti sômbôô libumbul jap,

a ti ki bitandi matam ma nwom nwap.+

47 A bi ôbôs minkôô nwap mi wai ni matan-ga,+

a ôbôs ki bie gwap bi sikômôr ni matan-ga makeñi.

48 A nol bilém gwap ni matan-ga,+

a nol ki bibémba gwap ni banwegnwek.*

kundul, liyot ni njiiha,

a om ki mintôñ mi biañgel le mi lona bo bikuu.

A boñ bé to le ba pei nyemb;

a nol ki bo ni himala.*

51 Sôk i nsôk, a nol babôkgwéé ba Égiptô+ bobasôna,

bibôdle bi ngui yap i bana bon mu mandap ma mabadô ma Ham.

52 I mbus, a pamna bôt ba litén jé kiki ba mpamna bémba titigi,+

a éga ki bo kiki ba ñéga bémba i ñoñ.

53 A éga bo ibabé le ba sehla,

ba kon bé to woñi;+

tuye a mil baoo+ bap.

54 A kena bo i homa wé mpubhaga,+

munu mbok dikôa a bi yoñ ni woo wé walôm.+

55 A luhul biloñ i bisu gwap;+

a hek ngababum yap ni nkôô u hégél, i mbus, a kébha bo yo;+

a yis ki matén ma Israel mu mandap+ map.

56 Ndi to hala, ba nai ni noode Nyambe Nungingii, ba ndogbene nye;+

ba sédne bé to matéak mé*+ maôô.

58 Ba bi hindha nye ñem ni bahoma bap ba nyôgi,+

ba tinde ki nye i unup* ni mintjok nwap mi biôñgba.+

59 Nyambe a bi nok hala, a unup ngandak,+

jon a bi tjôô yaga Israel.

60 A sôk a tjôô lap i Silô,+

ndap libadô i het a bi yééne ipôla bôt.+

61 A neebe le baoo bé ba kena nkuu Malômbla i minkôm;

a nwas bo le ba kena yimbne i ngui yé ni i lipém+ jé.

62 A nwas le bôt ba litén jé ba nôla ni pansoñ,+

a lôôha ki unbene ngababum yé.

63 Hié hi bi ligis boñge bap ba wanda;

to bingond gwap bi bi bé ngi yi bôlôm, ba bi tubul bé bo tjémbi di libii.*

64 Biprisi gwap bi bi nôla ni pansoñ,+

yak biyik gwap bi bôda bi bi ee bé.+

65 Ha nyen Yéhôva a bi tôde wengoñle a bé ke ’ilo,+

kiki mpémba mut+ u u bi hiôô wai ndi u tôde ’ilo.

66 Ha nyen a bi timbis baoo bé ni mbus;+

a yilha bo yom i wonyuu i boga ni boga.

67 A bi tjél litén* li Yôsep;

a pohol bé litén li Éfraim.

68 Ndi a bi pohol litén li Yuda,+

hikôa Siôn hi a ngwés.+

69 A boñ le homa wé mpubhaga a nom kiki ngii,*+

kiki hisi hi a bi hek* le hi nom i boga ni boga.+

70 A pohol ngwélél wé David,+

a yôñôl nye mu bibémba bi mintômba,+

71 i homa a bé téédana miñin mi mintômba mi mi nyuñus,

le a ba ntééda mintômba nu Yakôb, litén jé,+

a ba ki ntééda mintômba nu Israel, ngababum yé.+

72 A bi tééda bo ni ñem maliga,+

a éga ki bo ni likeñge.*+