Yésaya
2 I mam mana mon Yésaya, man Amôz, a bi tehe inyu Yuda ni Yérusalem:+
2 I dilo di nsôk,
hikôa hi ndap Yéhôva
hi ga telep siñ siñ, hi loo dikôa dipe,+
hi ga bet i ngii iloo bon ba dikôa,
matén momasôna ma ga ke nyoo.+
3 Ngandak matén i ga ke nyoo, i kalak le:
“Loga, di bedek i hikôa hi Yéhôva,
i ndap Nyambe nu Yakôb.+
A ga niiga bés manjel mé,
d’a kil ki i dinjela tjé.”+
B’a yilha paminsoñ yap disoo,
yak makoñ map m’a yila minhôdôk mi bakwade.+
Loñ y’a pa ha bé pansoñ inyu jôs loñ ipe,
b’a nigil ha bé to i jo gwét.+
5 A mbôda Yakôb, loga,
di kilak i mapubi ma Yéhôva.+
6 Ngo u bi tjôô mbôda Yakôb i i yé litén joñ,+
inyule loñ yap i yé nyonok ni gwom bi bi nlôl i Likôl;
ba mboñ makañ+ kiki bôt ba Filistia,
bon ba bakén ba bôt ba nyon i boni.
7 Loñ yap i yé nyonok ni silba ni gôl,
masôô map ma nkus ma gwé bé nsoñgi.
Loñ yap i yé nyonok ni bihosi,
bikak gwap bi gwét bi gwé bé nsoñgi.+
8 Loñ yap i yé nyonok ni banyambe ba ba gwé bé nseñ.+
Ba ñôôp i bisu bi gwom bomede ba bi bañ ni moo map,
i bisu bi gwom dinoo tjap di bi ôô?
9 Hala nyen mut a ñôôp, a kônde ôm mbom ’isi.
U ta bé le u nwéhél bo.
10 Jôba ikété hôk liaa, ni solop ikété biték
inyule hiun hi Yéhôva hi nkônha woñi,
ni inyu lipém jé likeñi.+
11 Mis ma ngôk ma mut binam ma ga suhlana,
lipamal li bôt ba binam li ga ôôp letee ni ’isi.*
Yéhôva nyetama nyen a ga kôhna lipém yokel.
12 Inyule i kel i, i yé i Yéhôva nu mintôñ mi gwét.+
I ga lo inyu bôt ba ngôk ni bôt ba lipamal,
ni inyu bôt bobasôna, to ba yé bañga bôt, to ba yé ditégéé di bôt.+
13 I ga kwél bie bi sidar gwobisôna bi yé i Libañ, bi bi ñap, bi bak bi nyôgi;
ni bie bikeñi bi Basan gwobisôna,
14 ni dikôa dikeñi tjodisôna,
ni bon ba dikôa bobasôna ba ba nyôgi,
15 ni hiki nkum ndap u u nyôgi, ni hiki lipénd li ngui,
16 ni bisitima bi Tarsis gwobisôna,+
ni bisitima bilam gwobisôna.
17 Ngôk u mut binam u ga suhlana,
lipamal li bôt ba binam li ga ôôp letee ni ’isi.*
Yéhôva nyetama nyen a ga kôhna lipém yokel.
18 Banyambe ba ba gwé bé nseñ ba ga ba ha bé tjagda.+
19 Bôt ba ga jôp ikété bihôk bi maaa,
ni ikété bibee ba bi tém ikété ’isi,+
inyule hiun hi Yéhôva hi nkônha woñi,
ni inyu lipém jé likeñi,+
i ngéda a ga telep inyu boñ le hisi hi nyeñg inyule hi nkon woñi.
20 Yokel, bôt ba ga yoñ bisat gwap bi gôl ni bi silba,
bi ba bi bañ inyu bégés,
ba leñ gwo mbudi-pô* ni minleem,+
21 inyu boñ le ba jôp i mapondo ma maaa,
ni i manwii ma maaa,
inyule hiun hi Yéhôva hi nkônha woñi,
ni inyu lipém jé likeñi,
i ngéda a ga telep inyu boñ le hisi hi nyeñg inyule hi nkon woñi.
22 Inyu loñge nan, ni waa bôdôl mut binam ñem,
nu niñ yé i yéne ndik mu nhébék wé.*
Inyuki ni mbiine nye mapida?