Yôsua

12 I bikiñe bon ba Israel ba bi yémbél, ba yoñ ki minkoñ nwap i pes likôl i Yordan, ibôdôl i nsôsôgô* u Arnôn+ letee ni i hikôa Hermôn,+ ikepam i Araba yosôna i pes likôl,+ gwo bini: 2 Kiñe Lôk Amôr le Sihôn,+ nu a bé yééne i Hesbôn, a bé énél Arôer,+ tison i i yé i nwaa u nsôsôgô* u Arnôn,+ i bak i ñemkété nsôsôgô, ni i pes yada i Giléad, letee ni i nsôsôgô u* Yabôk, u u yé i nwaa nkoñ u Lôk Amôn. 3 A bé énél yak Araba letee ni i tuye Kinéret*+ i pes likôl, ikepam i tuye Araba, tuye Bas,* i pes likôl, i njel i nke i Bét-Yésimôt, ni i nwelmbok, nyoo isi dikôa di Pisga.+

4 Bon ba Israel ba bi yoñ ki minkoñ mi kiñe Basan le Og,+ nu a bé mut wada mu bôt ba Réfaim+ ba ba bé ba ngi yii, ba yéénege i Astarôt ni i Édréi. 5 Og a bé énél nkoñ u u bé bôdôl i hikôa Hermôn, i Saléka ni i Basan+ yosôna, letee ni i nwaa nkoñ u Lôk Gésur ni u Lôk Maaka,+ yak ni i pes yada i Giléad, ikepam i nkoñ u kiñe Hesbôn+ le Sihôn.

6 Ngwélél Yéhôva le Môsi ni bon ba Israel ba bi yémbél+ i bikiñe bi. I mbus hala, ngwélél Yéhôva le Môsi a yoñ i minkoñ mi, a ti nwo Lôk Ruben, Lôk Gad ni pes yada i litén li Manasé+ le mi ba ngababum yap.

7 Yôsua ni bon ba Israel ba bi yémbél ngandak bikiñe bi loñ, i pes hiôñg i Yordan, ibôdôl i Baal-Gad,+ i nsôsôgô u Libañ,+ letee ni i hikôa Halak,+ hi hi mbet letee ni nyoo i Séir.+ I ngéda Yôsua a bi mal yémbél i bikiñe bi, a yoñ minkoñ nwap, a ti nwo matén ma Israel le mi ba ngababum yap, hiki litén ni yé ngaba.+ 8 I minkoñ mi, mi bé i mbok dikôa, i Séféla, i Araba, nyoo isi dikôa, i ñoñ, ni i Négeb.+ I minkoñ mi, mi bé minkoñ mi Lôk Hét, mi Lôk Amôr,+ mi Lôk Kanaan, mi Lôk Péris, mi Lôk Hivi ni mi Lôk Yébus.+ I bikiñe bi, gwo bini: