Tjémbi
Biniigana inyu ñéga kôa; kingéda likôdôk li Mahalat.* Maskil* i David.
53 Bijôñ bi bôt* bi nkal mu ñem wap le:
“Yéhôva a ta bé.”+
Ba mboñ mam mabe, yak maboñok map ma nsuñgaha ñem;
to wada wap a mboñ bé loñge.+
2 Ndi Nyambe a yé nyoo i ngii, a béñgege bon ba bôt ba binam,+
inyu tehe too wada wap a gwé pék, inyu tehe ki too wada wap a nyéñ Yéhôva.+
3 Bobasôna ba ntjôô njel i téé sép;
bobasôna ba mboñ mam mabe.
To wada wap a mboñ bé loñge,
to wada yaga.+
4 Ikété baboñbéba bobasôna, baa to wada a gwé bé yi?
Ba nje bôt ba litén jem wengoñle ba nje bret.
5 Ndi ba ga kon woñi kiyaga,
ba ga sehla ngandak i nya ba maa bé sehla,*
inyule Nyambe a ga sand bihés bi bôt ba njôs we.*
U ga wéha bo nyuu, inyule Yéhôva a bi tjél bo.
6 Weee! Ibale tohi i Israel i lôlak to i Siôn!+
I ngéda Yéhôva a ga témbna litén jé li li yé i minkôm,
i mbéda le Yakôb a séé, litén li Israel li hak.